Փաստ ինֆո

«Բոլորը բանակի կողքն են, բացի քայլառաստներից ու զինվորները քայլ չեն անում։ Կարծում եմ՝ այնտեղ բանակցություններ են ընթանում։ Օնիկ Գասպարյանը պետք է ունենա ինքանապաշտպանական բնազդ»,- այս մասին լրագրողների հետ հանդիպմանն ասաց պրոդյուսեր Արմեն Գրիգորյանը, նշեց, որ պետք չէ որևէ մեկին հերոսացնել։ 

Պրդյուսերը տեղեկացրեց, որ սպասում է նախագահի քայլերին. կդիմի արդյոք ՍԴ՝ Օնիկ Գասպարյանին պաշտոնից ազատելու վարչապետի հրամանագիրը, թե ոչ։ Պրոդյուսերը կարծիք հայտնեց, որ եթե Օնիկ Գասպարյանը ինչ որ քայլ աներ՝ պատերազմ կսկսվեր։
«Եթե պատերազմ սկսվի՝ առաջինը Նիկոլը չի լինի»։

Պրոդյուսերը կարծում է, որ զինվորականները պետք է քայլ անեն։ Իսկ, թե մինչև այս պահը ինչու ռեալ ոչ մի գործողություն չեն արել, Գրիգորյանը դա բացատրում է Տավուշի մարզում իրավիճակի հետ։

«Երրորդ բանակային կորպուսը «տրիվոգ» էր տված և համար մեկ պատրաստության բերված։ Ադրբեջանական զորքերի կուտակում կար։ Տավուշը միակ տեղն է, որտեղ չկային ռուսական զորքեր, չնայած երեկ երկու բատալյոն ռուսական ռազմաբազայից տեղափոխվել են Տավուշի մարզ։ Ալիևն ամեն կերպ ուզում է պահել Փաշինյանին իշխանության։ Եթե դուք ունենաք մի թանկարժեք ագենտ, որի վրա փող ու ժամանակ եք ծախսել, բայց նրան ուզում են բռնել, ամեն ինչ չե՞ք անի, որ այդ ագենտը մնա»։

Ըստ պրոդյուսերի՝ երկրում հրատապ ինֆորմացիան ստանում են ֆեյք էջերից, իսկ պաշտոնական բոլոր հայտարարությունները սուտ են։ Մեջբերեց ՀՀ ՊՆ-ի ՝ Տավուշի մարզում իրավիճակի մեկնաբանությունը, նշեց, որ պաշտոնական աղբյուրներին հասարակությունը չի վստահում պաշտոնական լուրերին։

«Հայաստանի իշխանությունը պաշտպանում է թշնամին, Հայաստանի սահմանները պաշտպանում են ռուսենրը։ Լուիս Քերոլի աշխարհում ենք ապրում։ Մեր մոտ մտավորականությունը և չինովնիկներն անցել են ընդդիմության կողմ, սորոսական փողոցում պայքարող, ասֆալտի վրա մեծացած լակոտները՝ իշխանավոր։ Մեր երկրում ոչ մի բանը տեղում չէ։ Մենք կատաստրոֆայի մեջ ենք ապրում»,- եզրափակեց պրոդյուսերը։

Աղբյուր` Փաստինֆո