Փաստ ինֆո

«Այսօր ԱԱԾ-ից սարքել են իշխանության քիլլերը»,- ազատ արձակվելուց հետո հայտարարել է քաղբանտարկյալ Արա Սաղաթելյանը, նշելով, որ իր դեմ հարուցված գործը հինգերորդն էր։ Նրան առաջին անգամ չէ, որ փորձում են կալանավորել։

«Հինգ գործով ինձ հետ ուզել են զրուցել այն թեմաների շուրջ, որ ճիշտ կլինի ինձ կալանավորել»։

ԱԺ աշխատակազմի նախկին ղեկավարը հավելեց նաև, որ պարբերաբար հարցաքննությունների է հրավիրվում ու շփվելով տարբեր քննիչների հետ, լսում է երկու «ապուշ» հիմնավորում ՝ մեկը, «մենք ծառայող մարդիկ ենք», մյուսը՝ «որ ես չանեմ՝ ուրիշը կանի»։ Սաղաթելյանը հավելեց՝ երկու արդարացումներն էլ ընդունելի չեն։

«Եթե ծառայող մարդիկ եք, պետք է ծառայեք ՀՀ-ին՝ օրենքին և իրավունքին։ Եթե այն, ինչ անում եք չի համընկնում ձեր ուսադիրներին, պետք է հրաժարական տաք։ Երկրորդը՝ գործում է պարզ կանոն. եթե քեզ մեկ անգամ ուղարկում են սիգարետի, անընդհատ կուղարկեն։ Մի օր դու պետք է չանես, մյուսն էլ պետք է չանի, որ հետո ԱԱԾ-ից պոլի շոր չսարքեն։ Այսօր ԱԱԾ-ից սարքել են իշխանության քիլլերը»։

Սաղաթելյանը պնդում է, որ իր անձի հանդեպ հետապնդումը քաղաքական է, ունի փաստական ապացույցներ, որոնց մասին այսօր նախընտրեց չխոսել, սակայն տեղեկացրեց, որ դրանք ներկայացնելու է միջազգային ատյաններին ու օտարերկրյա դեսպանատներին։

«Ներկայացնելու եմ, որպեսզի որևէ մեկը այլևս իր զեկույցներում չգրի, որ մենք ժողովրդավար ու օրենքի երկիր ենք, չկա նման բան»։

Աղբյուր` Փաստինֆո