Փաստ ինֆո

Երկրում քաղաքական ճգնաժամը ավելի է խորացել, այդ ճգնաժամին գումարվել է Զինված ուժերում ստեղծված ճգնաժամը: Այս մասին ԱԺ-ում ճեպազրույցի ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը՝ ընգծելով, որ ԼՀԿ-ն շարունակելու է փնտրել ճանապարհներ երկիրն այս վիճակից հանելու համար;

Մարուքյանն ակնկալում է որ արտահերթ ընտրությունների վերաբերյալ իրենց առաջարկին կմինան նաև այլ ուժեր.

«Առանց մեզ որևէ մեկը չի կարող համաձայնության գալ և գնալ արտահերթ ընտրության, մենք էլ չենք կարող առանց մյուսների դա անել, հետևաբար, տրամաբանական է, որ սա մի գործընթաց է, որտեղ պետք են փոխզիջումներ բոլոր կողմերից»,-ասաց Մարուքյանը:

Հարցին՝ եթե ԲՀԿ-ն հրաժարվի արտահերթ ընտրությունների վերաբերյալ վարչապետի առաջարկից, հնարավո՞ր է հարցը ԼՀԿ-ի օրակարգից և դուրս գա, Մարուքյանը պատասխանց, որ արտահերթ ընտրությունները երբեք իրենց օրակարգից դուրս չեն գա.

«Եթե մերժվի ես ուրիշ տարբերակ կմտածեմ, պետք է գտնենք տարբերակներ՝ այս իրավիճակից դուրս գալու համար»:

Անդրադառնալով իր և Նիկոլ Փաշինյանի երեկվա հանդիպմանը՝ Մարուքյանը կրկին ընդգծեց, որ վերջնական համաձայնության չեն եկել, և բանակցությունները շարունակվելու են.

«Երեկ վարչապետի հետ ունեցել ենք հանդիպում, ուզում եմ ասել , որ ԼՀԿ-ն շարունակելու է փնտրել լուծումներ՝ երկիրն այս վիճակից հանելու համար։ Այս պահին, մեր կարծիքով, այդ լուծումը այն առաջարկն է, որը մենք արել ենք։ Մենք շարունակելու ենք դրա ուղղությամբ աշխատանքներ տանել, ես ուզում եմ կոչ անել քաղաքական ուժերին միանալ այդ առաջարկությանը, որպեսզի այս ճգնաժամը օր առաջ հանգուցալուծվի, և մենք գնանք արտահերթ խորհրդարանական ընտրություններին, քանի որ ճանապարհը դա է՝ ճգնաժամից դուրս գալու»- եզրափակեց Մարուքյանը։

Աղբյուր` Փաստինֆո