Փաստ ինֆո

Անհայտ անձինք կոտրել են Նիկոլ Փաշինյանին քննադատող Սարգիս Պարսամյանի ավտոմեքենայի ապակին, մեքենայից տարել աշխատանքային համակարգիչը։ Պարսամյանը ֆեյսբուքյան գրառում է կատարել՝ հրապարակելով լուսանկարները և ընգծել, որ չի լռելու։

Ավելի ուշ նա պարզաբանել է, որ իր հետ ամեն բան նորմալ է։ Նա պատմել է, որ մեքենան նստելուց հետո նկատել է, որ նոթբուքը չկա, պտտվել և տեսել է, որ մեքենայի ետևի ապակին կոտրված է, ուսապարկը՝ քրքրված։ «ոտ հինգ րոպես անց ոստիկանության ծառայողներ են մոտեցել և հետաքրքրվել՝ արդյո՞ք ինքն է զանգել, ինչին ինքը բացասական է արձագանքել։

«Անակնկալի եկան, զանգեցին եսիմ ուր. Հետ եկան, բա զանգ ենք ստացել, որ մեքենայից բան են տարել (ուրիշ ավտոյի մոդել ա նշում), գնանք էնտեղ, բայց եթե որոշեք զանգել ոստիկանություն, այ էս համարով կզանգեք (ու 2 անգամ նույն համարն ա կրկնում, որ դա ֆիքսեմ...)

Ճիշտն ասած կասկածելի թվաց. Կասկածելի էր նաև այն, որ մենք պռոստը մայթին կանգնած էինք, ոչ մի անհանգիստ շարժումներ չէինք անում, ապակու կոտրված լինելը ճանապարհի կողմից չէր երևում, բայց ոստիկանները հասցեական եկան հենց իմ ավտոյի դիմաց կանգնեցին.

Պահի տակ իմացան, որ դասից ենք հելել, հարցրին բա որտեղ եք սովորում.

Ինձ կասկածելի է թվաց, ինչ_որ բան կարծես էն չլիներ.

Գողացել են գործի տեղի նոթբուքը և արշավական ապտեչկան (երևի բումաժնիկ ա թվացել )

Ուռոդները չեն ջոգել, որ ուսապարկս ու լապտերս նոթբուքից թանգ արժեին բայց մերսի

Կարճ ասած, 2 վարկած եմ տեսնում.

1. Կենցաղային հանցագործություն

2. Այլ բան՝ համեմված կենցաղային հանցագործությամբ, որ մտածեմ, զուտ կենցաղային հանցագործություն ա, ոչ ավելին»,- նշել է քաղաքացին։

Աղբյուր` Փաստինֆո