Փաստ ինֆո

«Այս գործընթացը ինձ որևէ կերպ չի կարող խանգարել, որովհետև այս գործընթացը գոյություն չունի»,- ազատ արձակվելուց հետո հայտարարել է քաղբանտարկյալ Արա Սաղաթելյանն՝ անդրադառնալով այան հարցին, թե արդյոք շարունակելու է հակաադրբեջանական տեղեկատվական պատերազմին իր մասնակցությունը։

Ա.Սաղաթելյանը նկարագրելով, թե որքան «փնթի ու անհիմն» գործընթաց է եղել իր նկատմամբ իրականացված հետապնդումը, նշել է, որ խուզարկության սանկցիայի մեջ նշված է եղել, որ ինքը «Արմենպրես»-ի տնօրենն է։

«Այդ լոգիկայի մեջ բոլոր փաստաթղթերն էին»,- նշեց նա

Սաղաթելյանի խոսքերով՝ խուզարկության ժամանակ առգրավել են այն ամենն, ինչ հնարավոր էր. «Եթե շուն ունենայինք, շանն էլ կառգրավեին»։ Ավելին՝ արգելել են փաստաբան կանչել, իսկ խուզարկությանը մասնակցել է Ալֆա ջոկատից 7 անձ։ Սաղաթելյանը պնդում է՝ մեկ անձի մտասևեռվածության և ոչ նորմալ մտածելակերպի արդյունք էր.

«Չեմ էլ կասկածում, որ այդ մակուլատուրան, որը դրված էր իմ քրեական գործի հիմքում, չի գտնվել ԱԱԾ-ում։ ԱԱԾ-ն գտնվում էր աննախադեպ քաղաքական ճնշման տակ։ Երեկոյան 22.30-23։00-ին ԱԱԾ-ի երրորդ հարկով ինձ տանում էին՝ կզած վիճակում, ձեռքերը մեջքի ետևում։ Ո՞ւր էի փախչելու ես ԱԱԾ-ի երրորդ հարկից։ Երևի այդ վիդեոն ուղարկել են Նիկոլ Փաշինյանին, որ նայի հանգստանա, մի հատ էլ հեռախոսը լպստի, հետո քնի»,- նշել է Ա.Սաղաթելյանը՝ ավելացնելով. «Ես պատկերացնում եմ, ոնց են նույն ԱԱԾ-ի տղաները զզվում Նիկոլ Փաշինյանից»։

Սաղաթելյանը լրագրողներին տեղեկացրեց, որ իր բարի համբավը արատավորելու մասով գործընթաց սկսել են դեռևս նոյեմբերից, երբ տեղեկացել է, որ բարձր պետական պաշտոնի նշանակված Տարոն Չախոյանը միայն նպատակ ունենալով Արա Սաղաթելյանին վարկաբեկելու, տեսանյութ է տարածել այն մասին, իբրև վերջինս կառավարում է ֆեյքերի։ Տվյալ անձի վերաբերյալ փաստաբանների միջոցով դիմել են ԱԱԾ՝ քրեական վարույթ հարուցելու համար, բացի այդ՝ քաղաքացիական հայց են ներկայացրել դատարան։

«Բոլորը, ովքեր մասնակցել են այս գործընթացին, ես գտնում եմ, որ պետք է ենթարկվեն պատասխանատվության, որովհետև սա միակ գործը չէ, որով փորձում են ինձ լռեցնել, անհանգստացնել։ Ես մի քանի գործերով, որոնք բոլորը քաղաքական են, հրավիրվում եմ պարբերաբար հարցաքննությունների։ Շփվելով տարբեր քննիչների հետ, լսում եմ երկու ապուշ հիմնավորում ՝ մեկը, «մենք ծառայող մարդիկ ենք», մյուսը՝ «որ ես չանեմ ուրիշը կանի»»։ Սաղաթելյանը նշեց, որ երկու արդարացումներն էլ ընդունելի չեն։

Արա Սաղաթելյանը նշեց՝ տեղեկացել է, որ հայտնի անունով ֆեյքը ստեղծվել է 2018 թվականի հունիսին, իսկ ինքը VPN համակարգից սկսել է օգտվել 2020 թվականի աշնանը՝ վճարելով իր քարտով։ Արա Սաղաթելյանը նշեց՝ ինքը որևէ Գագիկ Սողոմոնյանի չի ճանաչում «Կարող է տարօրինակ թվալ, բայց դա ընդունված բանաձև է. կարող է՝ Գագիկ Սողոմոնյանը իրենցից մեկն է»,- ասաց Սաղաթելյանը՝ հավելելով. «Ես շարունակելու եմ պայքարելու մեր վարչապետի գլխում տեղի ունեցող աննորմալությունների դեմ»։

Աղբյուր` Փաստինֆո