Փաստ ինֆո

Նոյեմբերի 9-ի խայտառակ կապիտուլյացիայի պայմանագիրն ստորագրելուց հետո վախից օրերով բունկերներում թաքնվող կապիտուլյանտը, որ մտածում էր նույն օրը ժողովուրդն ու ընդդիմախոսները պատասխան կպահանջեն իրենից՝ հրաժարականի պարտադրմամբ, ըստ ամենայնի չարժանանալով ադեկվատ արձագանքի մի քանի օր բունկերից լայվ մտնելուց հետո ոստիկանների ուղեկցությամբ առայսօր վարչապետ է աշխատում՝ շարունակելով իր սև գործը՝ ամեն օր հայությունից ու Հայաստանից խլելով հօգուտ Ադրբեջանի ու Թուրքիայի։

Այդ օրվանից վախից տնից դուրս չեկող կամ թիկնապահների ուղեկցությամբ փողոց դուրս եկող նիկոլի ուսապարկերը արդեն մի քանի օր է սկսել են խորհրդարանում վժվժալ։ Երեկ ԲԴԽ նախագահ Ռուբեն Վարդազարյանին հրավիրելով ԱԺ՝ իրենց կարծիքով նեղն էին գցել նրան։

Իհարկե, ակնհայտ էր նրանց բոլորի ուղղորդումը՝ հատկապես ցուցում էր տրվել փաշինյանական խոսքի մշակույթի ատրիբուտիկան կիրառելով, բառերի հատ-հատ արտասանությամբ և աբիսողոմական հայացքներ ընդունելով հարձակողական դիրքից հարցեր ուղղել ԲԴԽ նախագահին՝ այդպիսով իբր ճնշում գործադրելով նրա վրա։ Բնականաբար, այս ներկայացումն ուղիղ կապ ուներ դատավոր Կարինե Պետրոսյանի դիմումի հետ, որով նա խնդրել էր անհապաղ դադարեցնել ԲԴԽ անդամ Գագիկ Ջհանգիրյանի լիազորությունները՝ համարելով, որ ԲԴԽ անդամ Գագիկ Ջհանգիրյանը լեգիտիմ անդամ չէ, քանզի նա ընտրվել է օրենքի խախտմամբ։

ՈՒշագրավ է, որ Ռ․ Վարդազարյանը հենց իմքայլական մեծամասնության ընտրյալն թեկնածու լինելով այսօր հայտնվել է նրանց թիրախում, քանզի նրանց պահանջները չի բավարարել, մնացել է պրոֆեսիոնալի դիրքերում։ ԲԴԽ նախագահին հարցեր էին ուղղվում հատկապես իմքայլական պատգամավորների կողմից, որոնց մեծ մասը վերաբերվում էր 2020-ի նոյեմբերի 15-ին արված նրա հայտարարությանը, որտեղ նա ասել էր՝ «Այսօր է վերջնական տրվելու շուրջ երկու տարի հանրությանն ալեկոծած եւ դատավորներիս համար ամոթալի չարաբաստիկ հարցի պատասխանը. մենք պատերի տակ վնգստացող դատավորնե՞ր ենք, թե՞ հայրենիքին նվիրված ազնիվ պրոֆեսիոնալներ»: Եվ ահա, իմքայլական որոշ ուսապարկերի կարծիքով վերը նշվածը քաղաքական հայտարարություն է եղել։ Հետաքրքիր է՝ իսկ պրոֆեսիոնալ պատասխանն ըստ ուսապարկերի՝ ինչպիսին պիտի լիներ։ Թե՞ տարիների փորձառությամբ դատավորները պիտի ուղղակի անարձագանք թողնեին իրենց ուղղված վիրավորանքը և պատշաճության շրջանակում անգամ չպատասխանեին նետված ձեռնոցին։

Հարց է ծագում, օրենսդիրի ներկայացուցիչ սույն պարոններն ինչու՞ էին բերանները ջուր առած նստել, երբ անօրեն կերպով ՀՀ քաղաքացիներին հրահանգ էր տրվում շրջափակել դատարանները, չթողնել, որ դատավորները ներս մտնեն՝ կաթվածահար անել դատավորների աշխատանքը։

Ինչևէ, այս հրապարակման մեջ բնավ ցանկություն չունենք առանձնաբար անդրադառնալու նիկոլի՝ պատգամավորական բարեվարքության հետ հեռավոր առնչություն չունեցող, հիմնականում՝ աշխատանքային կենսագրությունից զուրկ ուսապարկերին։ Խորհրդարանում երեկ նրանք իրենց զգում էին ինչպես ռինգում՝ առաջնորդի կողմից հանձնարարություն էր եղել 4 կողմից մարտ մղել՝ «Бои без правил» սկզբունքով։ Կարևոր չէ՝ ինչ են ասում, որքան անբովանդակ և դըմփ-դըմփ -հու ոճի մեջ լինեն, այնքան՝ ազդեցիկ։ Եվ ուրեմն, մի խումբ դատարկ ուսապարկեր այդ ոգով հարձակվել էին ԲԴԽ նախագահի վրա /հիշենք՝ նմանօրինակ մի հրահանգավորված հարձակում էլ ավելի վաղ իմքայլականները Մարդու իրավունքների պաշտպանի հանդեպ էին ունեցել, ով նույնպես ուսապարկերին բարձր մակարդակով ցույց տվեց իրենց տեղը/, որի պատասխանը սրանց ուղղակի կլասիկայի նմուշ կարելի է համարել, մոտավորապես այնպիսին, ինչպիսին էր Բուլգակովի «Շան սիրտը» վեպում դոկտոր Պրեաբրաժենսկու արձագանքը վիրահատական միջամտությամբ՝ շնից մարդու վերածած Շարիկովին և շարիկովշչինային։

Բնականաբար, չենք անդրադառնա նաև մեկուսի պատգամավոր Բաբաջանյան Արմանի բոցաշունչ ելույթին, որին նույն տոնայնությամբ պատասխանել մեկին մեկ կարելի էր՝ նկատի ունենալով նրա անփառունակ կենսագրությունը, այդ թվում նաև՝ կասկածելի ունեցվածքը, սակայն ի պատիվ ԲԴԽ նախագահի նա զերծ մնաց ուսապարկերին իրենց բառապաշարով պատասխանելուց, փաստելով, որ դիմելու է ԱԺ խորհրդին՝ նրանց կարգապահական պատասխանատվության ենթարկելու համար։

Ընդհանրապես, հետևելով և դիտարկելով իմքայլականների /նաև Բաբաջանյանի/ երեկվա հարձակողական մարտը, ուղղակի աղերսներ ես տեսնում նրանց ղեկավարի մարտավարական քայլերի հետ, որոնք չնչին իսկ կապ չունեն օրենքի և ժողովրդավարական պետության հետ։ Հիշու՞մ եք կապիտուլյացիայի պայմանագիրը ստորագրելուց հետո՝ վերջինիս՝ դատարանները շրջափակելու կոչի տոնայնությամբ մի կոչ նույնպես արեց իր երևակայական համախոհներին, թե՝ եկեք- կանգնեք ձեր վարչապետի կողքին։ Այդ օրվա հավաքածու-կասկածելի կերպարներին տեսանք նաև մարտիմեկյան ցուցադրական հանրահավաքի ժամանակ։

Այսինքն, սա՛ եք դուք և այս իմիտացիան է ձեր կռիվը հանուն օրենքի և օրինականության, ժողովրդավարական պետության ձեր երազանքը մարտի 1-ի հրապարակի աուրան է, ո՛չ ավելին, ընդդիմության հանրահավաքի մասնակիցների ուղղությամբ՝ ԱԺ պատուհաններից զենքով նշան բռնած և ԱԺ տանիքին թառած դիպուկահարներն են։

Իհարկե, այս ամենը օրենքով է և ժողովրդավարական սկզբունքներին համահունչ։

Բայց հարց է ծագում, ձեր այս՝ «Бои без правил»-ի դեմ ինչու՞ պիտի ընդդիմությունը օրենքի, սահմանադրականության և և ժողովրդավարության դիրքերից ելնի։ Այդ ո՞ր օրենքն է թույլ տալիս, որ է ԱԺ հարցուպատասխանի օրը դահլիճում նստած վարչապետն՝ ընդդիմության ներկայացուցիչների՝ իրեն ուղղված հարցերի պատասխանները գցի տեղակալի վրա՝ պատասխանելով միայն Արման Բաբաջանյան-երեսփոխանի հարցերին։ Գուցե կապու՞յտ է արյունը նրա, դրա՞ համար։

Ի վերջո, օրենքո՞վ ու Սահմանադրությա՞մբ առաջնորդվելու հետ ի՞նչ առնչություն ունի վարչապետի աթոռն զբաղեցնող անձի քինախնդիր քայլերը ՀՀ ԶՈՒ գլխավոր շտաբի պետ Օնիկ Գասպարյանի հանդեպ։ Թե՞ ազգովի կրակն ենք ընկել շատ մեղմ ասած՝ անգետ ու անհավասարակշիռ ոմն-մեկի կապրիզների ձեռքը։

Ընդհանրապես, ժամանակը չէ՞, որ ընդդիմությունը խորհրդարանական, թե՝ արտա, իր քայլերն ադեկվատ և համահունչ իշխանության քայլերի կատարի։

Աղբյուր` Փաստինֆո