Փաստ ինֆո

ՀՀԿ փոխնախագահ Արմեն Աշոտյանը ֆեյսբուքյան ուղիղ միացման ժամանակ ներկայացրել է քաղաքական դասալքության մասին փաստերը։ Աշոտյանը օրինակներ է ներկայացրել՝ «զավեշտալի փաստեր», թե ինչպես են գործող իշխանությունները վարվում Հայաստանի եւ Արցախի հետ արտաքին աշխարհում՝ լքելով դիվանագիտական խրամատը։

Արմեն Աշոտյանը՝ մինչև բուն պատմությանն անդրադառնալը տեղեկացրեց, որ փետրվարի 24-26-ը կայացել է ԵԱՀԿ Խորհրդարանական վեհաժողովի ձմեռային նիստը։ Այն կորոնավիրուսով պայմանավորված եղել է առցանց և, որ ԵԱՀԿ Խորհրդարանական վեհաժողովը խոշորագույն խորհրդարանական կազմակերպություններից մեկն է, որին անդամակցում է Հայաստանը։

«Հայկական պատվիրակությունը, ինչպես բոլոր պատվիրակությունները ղեկավարում են ուսապարկային խմբակցության ներկայացուցիչները, այդ դեպքում՝ 6 հոգանոց պատվիրակությունը բաղկացած է չորս իմքայլական պատգամավորից՝ ներառյալ ղեկավարը՝ Հայկ Կոնջորյան անուն-ազգանունով անձնավորությունը»։

Աշոտյանը տեղեկացրեց, որ բոլորի համար էլ հասկանալի էր, որ պատերազմից հետո նստաշրջանը լինելու է շատ կարեւոր և ձմեռային նստաշրջանը լինելու է առաջին լուրջ դիվանագիտական բախումը Հայաստանի ազգային շահերի համար՝ Թուրքիայի եւ Ադրբեջանի պատվիրակությունների հետ:

«Դիվանագիտական մի ճակատամարտ է տեղի ունեցել այդ օրերին»,-հայտնեց ՀՀԿ փոխնախագահը:

Աշոտյանը հայտնեց, որ ստեղծված իրավիճակում նորմալ հայ պատգամավորն ամեն ջանք կգործադրեր, որպեսզի հսկայական հարթակին ներկայացներ ճշմարտությունը՝ Արցախյան վերջին պատերազմի մասին եւ հակադարձեր թուրք-ադրբեջանական նոր հարձակումներին՝ դիվանագիտական ճակատում, սակայն այդպես չեղավ։

Արմեն Աշոտյանը նշեց, որ ելույթ են ունեցել Թուրքիայի եւ Ադրբեջանի պատվիրակները՝ մեղադրելով հայերին Խոջալուի ցեղասպանության մեջ, բազմաթիվ հիմարություններ «դուրս տվել»։

«Ձեր կարծիքով քանի՞ ելույթով է Հայաստանը հակադարձել այդ թուրք-ադրբեջանական միացյալ դիվանագիտական ագրեսիային՝ Զրո ելույթով։ Հայաստանի կողմից պլենար նիստին ի պատասխան ադրբեջանական հոխորտանքներին հնչել է զրո պատասխան, ես դեռ չեմ խոսում այն մասին, որ պետք չէր սպասել մինչեւ ինչ-որ մեկը հոխորտար, որպեսզի մենք խոսենք դրսում։ Փոխանակ «մերոնք»՝ Հայաստանը ներկայացնող պատվիրակությունը, իշխանական գրոհայինները պատրաստվեին այդպիսի դիվանագիտական ճակատամարտի եւ իրենք նախահարձակ լինեին, իրենք քիչ է, ոչինչ չեն ձեռնարկել նաեւ չեն հակադարձել ադրբեջանական կեղտոտ ելույթին, որը տարածվել է 57 երկրների բոլոր պատգամավորների մոտ»,- ասաց Աշոտյանը, նշեց նաև, որ ադրբեջանական պատվիրակները անգամ Հայաստանին են մեղադրել ռազամգերիներին խոշտանգումների մեջ։ Հնչել են նաև այլ այլ մեղադրանքներ՝ քաղաքական հանձնաժողովի նիստում, որովհետև ադրբեջանը պատրաստված էր եկել, իսկ Հայաստանը հսկայական միջազգային լսարանի մոտ ներկայացել է «մեր»։

«Հաջորդ օրը երկու հանձնաժողովների նիստ է տեղի ունեցել, Հայաստանը երեք կարճ ելույթ է ունեցել։
Նույն օրը Նիկոլ Փաշինյանը հրատապ կարգով միտինգ է հրավիրել, իսկ իշխանությունը ներկայացնող պատվիրակները լքել են դիվանագիտական ճակատամարտը, որպեսզի գլխաքանակ ապահովեին»,-ասաց Աշոտյանը։

Աղբյուր` Փաստինֆո