Փաստ ինֆո

Այս պայքարը վատ ղեկավարին լավ ղեկավարով փոխարինելու համար չէ, մեր երկիրը նվաճել են թշնամիները։ Այս մասին «Հայրենիքի փրկության շարժման» հանրահավաքին ասել է շարժման վարչապետի թեկնածու Վազգեն Մանուկյանը։

Մանուկյանը նշել է, որ այն օրը, երբ Նիկոլ Փաշինյանը դարձավ վարչապետ, ինքն իր համար գրառում է արել։

«Գրեցի՝ վերջ, Նաիրի երկիրն այլևս չի իրականանալու, որովհետև մի հսկայական ցնցում պետք է լինի, որ հնարավոր լինի երկիրը վերակառուցել։ Այդ ցնցումը, ցավոք սրտի, եղավ։ Մեր սխալներն ու վրիպումներն էին, որ բերեց նրան, որ թշնամին գրավեց Հայաստանը»,- նշեց նա՝ հավելելով, որ նույն ձևով շարունակելու դեպքում թշնամիները կգրավեն Հայաստանը։

Ինչ վերաբերում է ՀՀ ԶՈՒ ԳՇ պետին պաշտոնից ազատելու մասին նախագահին ուղղված միջնորդությանը, Մանուկյանը նշեց, որ ՀՀ նախագահն ամուր է կանգնած, բայց իր ամրությունը կախված է նաև մեր ամրությունից։

«Ինչքան մենք ամուր կանգնած լինենք, այնքան ամուր կլինի ինքը, ամուր կլինի բանակը։ Հետո հարցը հասնելու է ՍԴ։ Մենք պետք է ամուր կանգնած լինենք, որ ՍԴ-ն ամուր ձևով պաշտպանի մեր ազգի, մեր բանակի շահերը։ Եթե այդ կառույցների մեջքը դատարկ է, կարող է չդիմանալ, մենք պետք է ապահովենք այդ թիկունքը։ Ամբողջ Հայաստանը պետք է ոտքի կանգնի»,- նշեց Մանուկյանը։

Մանրամասները՝ տեսանյութում

Աղբյուր` Փաստինֆո