Փաստ ինֆո

Արագածոտնի մարզպետը նախօրեին հավաքել է բոլոր գյուղապետերեին՝ երկու տարբեր խմբերով՝ ենթարկվողներին առանձին, չենթարկվողներին առանձին: Այս մասին «Հայրենիքի փրկության շարժման» հանրահավաքի ժամանակ հայտարարեց ՀՅԴ անդամ Գեղամ Մանուկյանը:

Ավելին՝ նրա փոխանցմամբ՝ դպրոցի տնօրեններին առանձին են հավաքել։ «Բայց այնքան են վախեցած, որ այդ տղամարդկությունը չուներ անգամ, որ ասեր՝ հա, մարզպետ եմ, կիրակի օրով ժողով եմ անում: Գաղտագողի, դռները փակ, խեղճ պահակին էին սուտասան սարքել, թե մարզպետարանում է, մարդ չկա: Ի վերջո նկարել էին, որ դուրս էին գալիս շենքից: Շեֆի հրաման էին կատարում, մարդաքանակ էին ուզում ապահովել»,- նշել է Գ.Մանուկյանն ու ավելացրել. «մի կատակ է շրջում համացանցում. «Ասա որ հրապարակ ես գնում, ասեմ՝ ով ես դու»: Որովհետեւ հայ մարդը չի կարող գնալ Նիկոլի հանրահավաքին, այն նիկոլին, որ ատում է հայոց բանակը»,-ասաց Գեղամ Մանուկյանը:

Աղբյուր` Փաստինֆո