Փաստ ինֆո

Ինչու՞ պետք է Գլխավոր շտաբի պետը գնա։ Ի՞նչ է արել։ Ի՞նչ եղավ, որ Օնիկ Գասպարյանը մեզ համար մերժելի դարձավ։ Այս մասին լրագրողների հետ զրույցի ժամանակ ասաց ԱԺ պատգամավոր Թագուհի Թովմասյանը։

«Թող այդ հարցի պատասխանը հնչի, որ հասկանանք՝ կամակորության արդյունքում ենք ուզում, որ Օնիկ Գասպարյանը գնա, թե՞ հստակ պատճառ ունենք։ Ինձ համար բանակն ամենակարևոր հենասյունն է, եթե բանակին թերագնահատում ենք, բանակի դեմ քայլեր ենք անում, ո՞վ է մեր անվտանգությունը երաշխավորելու։ Եթե հիմա բանակի թևերը կտրում ենք, ջլատում ենք, ես ո՞նց գնամ սահմանամերձ գյուղեր և ի՞նչ հույս ունենամ, որ բանակը մարտունակ է»,-նշեց պատգամավորը։

Պատգամավորն ընդգծեց՝ պետք է հասկանա Օնիկ Գասպարյանին պաշտոնից ազատելու պատճառները, որպեսզի դիրքորոշում արտահայտի՝ արդյոք ԳՇ պետը քաղաքականությամբ է զբաղվում, թե ոչ․ «Իմ տպավորությամբ չկա որևէ քաղաքական կոմպոնենտ, որովհետև այդ հայտարարությունից բացի որևէ գործողություն չի եղել»,-ասաց պատգամավորը։

Աղբյուր` Փաստինֆո