Փաստ ինֆո

Մեր երկիրը սիրող յուրաքանչյուր ոք այս իրավիճակում պետք է իր ուժերի ներածին չափով նպաստի խոր ճգնաժամի հաղթահարմանը։ Այս մասին հիշատակի և զորակցության հավաքի ժամանակ ասաց «Ճշմարտություն սերունդների համար» նախաձեռնության հեղինակ, զոհված զինծառայողի հայր Գեղամ Նազարյանը։

«Այս շարքերում առաջինը պետք է լինեն նրանք, որոնց որդիները զոհվեցին ամենաթանկը տալով հայրենիքին։ Առաջին շարքերում պետք է լինեն անհետ կորածների, գերիների, վիրավոր զինվորների ծնողները։ Մեր տղերքը հայրենիքը պաշտպանում էին Ֆիզուլիում, Հադրութում, Իշխանաձորում, իսկ մենք այսօր դա պետք է անենք Երևանում։ Մեր տղերքը կանգնած էին թշնամու հրթիռների ներքո, մեր գործն անհամեմատ ավելի հեշտ է, բայց ոչ պակաս կարևոր։ Մեզ վրա հրթիռներ չեն գալիս, բայց ներքին թուրքը շատ վտանգավոր է։

Նա ունի կիսատ թողած գործ էլի ավերել, էլի արյուն թափել։ Մենք պետք է լինենք մեր դիրքում, որ մեր տղերքի թափած արյունն իմաստավորվի»,-ասաց Գեղամ Նազարյանը։

Վերջինս ընդգծեց պետք է լինեն պայքարի կիզակետում, շարունակեն տղաների գործը։

Աղբյուր` Փաստինֆո