Փաստ ինֆո

Համոզված եմ, որ Արմեն Սարգսյանն առարկություններով հետ կուղարկի փաստաթուղթը, հակառակ դեպքում՝ կհաստատվի Ալիևի խոսքը, թե Հայաստանը մահացավ և այլևս ոտքի չի կանգնի։ Այս մասին լրագրողների հետ զրույցում ասաց Վազգեն Մանուկյանը։

Նա նշեց, որ Արմեն Սարգսյանը ոչինչ չի խոստացել, այդուհանդերձ, համոզված է, նրա որոշման մեջ։ Իսկ եթե, նման բան չլինի, այսինքն` ստորագրվի, ապա բանակը պետք է չենթարկվի Նիկոլ Փաշինյանի այդ անօրինական հրամանագրին ։

Մանուկյանը վստահեցրեց, որ Հայաստանում ռազմական հեղաշրջում գոյություն չունի, ռազմական հեղաշրջումն այն ժամանակ է, երբ բանակը մտնում է քաղաք, վերցնում է իշխանությունը և պահում է իրեն կամ հանձնում ուրիշին։

«Բանակը որևէ գործողություն չի կատարել, միայն հայտնել է իր կարծիքը, որ Հայաստանին վտանգ սպառնողը հենց Նիկոլ Փաշինյանն է և ինքը սատար կկանգնի ժողովրդին, եթե ժողովրդի դեմ ուժ կիրառվի»,- նշեց Մանուկյանը՝ ընդգծելով, որ Նիկոլ Փաշինյանը ոչ մի հենարան չունի։

Նա կոչ արեց ՀՀ ոստիկանությանը և ԱԱԾ-ին՝ միանալ և սատար կանգնել բանակին։ Ինչ վերաբերում է զինվորականների նկատմամբ հնարավոր հետապնդումներին, Մանուկյանն ընդգծեց, որ Հայաստանում նման ուժ գոյություն չունի, ո՞վ կհամարձակվի զինվորականներին հետապնդել։

Աղբյուր` Փաստինֆո