Փաստ ինֆո

Կարող է տպավորություն ստեղծվել, որ թիրախավորվում են այն մարդիկ, որոնք երկար ժամանակ պայքարել են՝ ադրբեջանական հակաահաբեկչական քարոզչության դեմ։ Այս մասին հրավիրված մամուլի ասուլիսին ասել է քաղաքագետ Ալեքսանդր Մարգարովը՝ անդրադառնալով Արա Սաղաթելյանի և մյուսների նկատմամբ իրականացվող հետապնդմանը։

Քաղաքագետը նկատեց, որ նրանց թիրախավորելն իր հերթին բոլորովին այլ մտքեր են առաջացնում, մասնավորապես՝ ինչու են կոնկրետ նրանց թիրախավորում, ընդ որում՝ հետպատերազմական իրավիճակի ժամանակահատվածում։ Նրա խոսքով՝ տեղի ունեցածն, ըստ էության, վկայում է, որ առկա է միտում արդարադատությունը վերածելու ընտրովի անարդարադատության, ինչը պետք չէ նաև հենց իշխանությանը։ Ըստ քաղաքագետի, որեւէ երկրի իշխանության ձեռնտու չեն քաղբանտարկյալների առկայությունը։

«Երկրում ստեղծվել է իրավիճակ, երբ իշխանությունը որոշակի գործողություններ է իրականացնում, որոնց պարագայում հիմնավոր կասկածներ են առաջանում, որ երկրում կան քաղբանտարկյալներ, դա պետք չէ երկրին, այդ թվում՝ իշխանությանը»,- ասաց քաղաքագետը։
Մարգարովի խոսքով՝ պատահական կարող է լինել առաջին դեպքը, երկրորդ արդեն համընկնում է, իսկ երրորդ անգամ՝ արդեն համակարգային։ Քաղաքագետը նշեց, որ չի ցանկանում, որ մեզ մոտ վերհիշվի հայտնի արտահայտությունը, թե «մարդ լինի, հոդվածը կգտնենք», չի ցանկանում, որ Հայաստանը դասվի այն երկրների շարքում, որոնց մասին խոսում են որպես ընտրովի արդարադատություն իրականացնողի, իսկ երբեմն՝ ընտրովի անարդարադատություն իրականացնողի մասին։ Մարգարովը շեշտեց, որ Արա Սաղաթելյանի գործունեությունը հայտնի է թե լրագրողներին, թե վերլուծաբաններին, նա մեծ ներդրում ունի հակաադրբեջանական քարոզչության տեսանկյունից, մենք շատ կարևոր արդյունքներ ենք ունեցել, երբ Սաղաթելյանը ղեկավարում էր թե ՊՈԱԿ-ը, թե գործողությունները՝ ուղղված կոնկրետ պետության դեմ հակահայկական քայլերը։

Աղբյուր` Փաստինֆո