Փաստ ինֆո

Հայրենիքի փրկության շարժումը չի ընդունում Արայիկ Հարությունյանի միջնորդական առաքելությունը։ «Արայիկ Հարությունյանը նախ պետք է դատվի՝ իր անգործության և հայրենիքը պարտության տանելու համար, հիմա ինքը ուզում է շարունակե՞լ այդ կեցվածքը»,- «Փաստինֆո»-ի հետ զրույցում ասել է Արծվիկ Մինասյանը։ 

Երեկ մամուլում տեղեկություն տարածվեց, որ Արայիկ Հարությունյանը հանդիպել է ԱԱԾ տնօրենի հետ հանդիպել է Օնիկ Գասպարյանի հետ ու փորձել են ճնշել, պարտադրել, որ նա հրաժարական տա։ Ի դեպ, հանդիպման փաստը պաշտոնապես հաստատել է նաեւ Արայիկ Հարությունյանի մամուլի խոսնակը՝ վստահեցնելով, թե ԳՇ պետի հրաժարականի հարց չի քննարկվել։

«Եթե անգամ լուրերը չեն հերքվում Արայիկ Հարությունյանի կամ ԱԱԾ-ի կողմից, այդ դեպքում այս մարդիկ պատասխանատվություն են կրելու օրենքի առաջ՝ ողջ խստությամբ»,- նշեց Արծվիկ Մինասյանը։

Ինչ վերաբերում է ԱԱԾ-ին, Մինասյանն արձանագրեց, որ ռազմական դրության ժամանակ ԶՈՒ-երի օպերատիվ հրամանատարական ենթակայության տակ են գտնվում թե՛ սահմանապահ զորքերը, թե՛ ԱԱԾ ուժերը, թե՛ ոստիկանության ներքին զորքերը և այլ ռազմականացված ստորաբաժանումները։

«Եթե նրանք այդքան պատասխանատվություն չունեն և փորձում են նման վարքագիծ դրսևորել, իրենք ողջ ծավալով կրում են դավաճանի արած գործողությունների պատասխանատվությունը, կիսում են դրանք, վայրկյան առաջ պետք է հրաժարվեն այդպիսի ապօրինի վարքագծից»,- նշեց Մինասյանը՝ հավելելով, որ Նիկոլ Փաշինյանը և իր խունտան են իրականացնում սահմանադրական կարգի տապալում և իշխանության յուրացում։

Մանրամասները՝ տեսանյութում

Աղբյուր` Փաստինֆո