Փաստ ինֆո

«Եթե քաղաքացիները մտածում են շենքեր գրավելու մասին, թող նաև մտածեն, որ այդ շենքերը գտնվում են պետական պաշտպանության տակ, իսկ դա նշանակում է՝ պետությունն իրավունք ունի կրակելու»,- «Ազատություն» ռադիոկայանի եթերում այս խոսքերը հայտարարողը համարձակ մի պարոն է՝ Անդրանիկ Քոչարյան: Որը իշխանությունն ու պետությունը բավական չէ՝ թյուրիմացաբար նույնացնում է, հետո էլ՝ թե՝ պետությունը կկրակի։ Պետությու՞նը թե՞ կապիտուլյանտ իշխանությունը։ Մի նույնացրեք։ Պետությունը օրվա իշխանությունը չէ։ Պետությունն իր քաղաքացու վրա երբեք չի կրակում։ Քանզի քաղաքացին ունի ընդվզման իրավունք։

Լավ, Քոչարյանի այս համարձակության աղբյուրն ու ակունքը ո՞րն է։

Ասել, թե նրա համարձակության աղբյուրը 90-ականների արցախյան պատերազմի, կամ՝ ապրիլյանի և կամ՝ վերջին արցախյանին մասնակցությունն է, այսինքն, պատերազմների բովով է անցել, մեղք կլինի, քանի որ իր անցյալից դեռ ապրողներ կան, որ վկայում են նրա խոր թիկունքային լինելու մասին։

ՈՒղղակի պարոնը հնուց է գալիս՝ «Մեր դեմ խաղ չկա» կարգախոսի ակունքներում է եղել՝ հին կազմից հասնելով մինչև «մեր դեմ խաղ չկայի» նոր ժամանակներ ու նոր կազմ։ Մի խոսքով՝ մշտական ունի․․․

Ի դեպ, հիշեցնենք Անդրանիկ Քոչարյանին, որ ՀՀ 3-րդ նախագահ Սերժ Սարգսյանի պաշտոնավարման ժամանակ՝ 2018 թվականի ապրիլին, ոչ միայն չկրակեցին, այլև չձերբակալեցին, երբ ներկայիս կապիտուլյանտ, իսկ այնժամ՝ հեղափոխության նորելուկ առաջնորդը չընկրկեց խառնիխուռն բազմությամբ խուժել ՀՀ պետական ռադիոյի և հեռուստատեսության շենք՝ կոտրելով ռազմավարական նշանակության օբյեկտի դուռը։ Իսկ այսօր բավական չէ, որ կապիտուլյանտ իշխանությունը դեռ կառչած է իշխանությանը, Անդրանիկ Քոչարյանն էլ՝ կապիտուլյանտի ներկայացուցիչն է օրենսդիրում ու դեռ մի բան էլ՝ ասում է՝ կկրակենք։

Ստացվում է, որ նախորդ իշխանության ժամանակ պետությունը չկրակեց իր քաղաքացիների վրա, իսկ այսօր պետության օրենսդիրի ներկայացուցիչը, որ իրեն նույնացնում է պետության հետ՝ պատրաստ է կրակել։

Ընդհանրապես, փաստն ինքնին դիտարժան է՝ ներկաները շատ հստակ հայտարարում են՝ կկրակենք հանուն իշխանության։ Դե, գիտեք, մենք չենք էլ կասկածում, որ դուք հանուն հայրենիքի կռվում զենքերը վայր եք դնում թշնամու առաջ և կապիտուլյացիայի եք գնում, բայց, հանուն իշխանությունը պահելու արյուն կհեղեք։

Չմոռանանք, Արթուր Վանեցյանի պատմածը նաև, որն ասել էր, թե իջևանցիների բողոքի ալիքը սաստելու համար վարչապետի պաշտոնն զբաղեցրած անձը արնատենչ ցանկություն էր հայտնել՝ ասելով՝ արյան գետեր կուզեմ

Աղբյուր` Փաստինֆո