Փաստ ինֆո

«Դժվարանում եմ անգամ կանխատեսել, թե ինչ սկզբունքով կգեներացվի հերթական շոու-պրոցեսի փուլը»,-դատարանի առջև լրագրողների հետ զրույցում ասաց «Քառյակ մեդիայի» համահիմնադիր Արման Սաղաթելյանը, հավելելով, որ վաղուց արդեն հրաժարվել է ողջամտության, տրամաբանության շրջանակներում դիտարկել «կապիտուլյանտների» որևէ մի արարք։

Հարցի իրավական կողմը ըստ նրա՝ անհեթեթ հորինվածքներ են, և կոնկրետ անձանց ուղղությամբ գործողություն կատարելու գործընթացներ են։

«Անշուշտ, սա քաղաքական գործընթաց է և մենք ականատես ենք լինում հերթական ռեպրեսիվ գործողությունների թափի ավելացման։ Սա ոչ մի լավ բանի մասին չի վկայում, և խոսում է այն մասին, որ պետությունը գնալով էլ ավելի է գլորվում դեպի անդունդը։ Այս ամենի պատասխանատուն ու մեղավորները միայն այս եղանակներով է, որ փորձելու են ինչ-որ ձևով կառչել իրենց իշխանությունից, մնալ աթոռին կամ փորձել հերթական անգամ մեկուսացնել իրենց անհարմար անձանց», - ասաց Սաղաթելյանը, նշելով, թե այս ամենում նոր ձեռագիր չկա։

Հիշեցնենք, որ Երևանի ընդհանուր իրավասության դատարանում հրապարակվելու է «Քառյակ մեդիայի» համահիմնադիր Կարեն Բեքարյանի խափանման միջոցի որոշումը։

Աղբյուր` Փաստինֆո