Փաստ ինֆո

Կարեն Բեքարյանը և Արա Սաղաթելյանը չեն կարող լինել այդ ֆեյք օգտահաշվի կառավարողները։ Նրանք երբեք չեն թաքնվում ինչ-որ մեկի հետևում և գրառումներ անում։

«Ինձ համար ցավ է խոսել ԱԱԾ-ի մասին։ Ինչ-ինչ պատճառներից ելնելով այսօր այս կառույցում կա մարդկանց փոքր խումբ, որը կատարում են այս դավաճան իշխանությունների հրահանգները։ Կարծում եմ՝ դա շատ արագ կվերջանա և ԱԱԾ-ն իր ողջ կազմով կսկսի զբաղվել ազգային անվտանգության ապահովմամբ»։

Դիտարկմանը, որ կան լուրեր, որ նաև ինքը ֆեյքերի բանակ ունի, Արթուր Վանեցյանը նկատեց՝ դրանք կեղծ պնդումներ են․ «Իշխանական ֆեյքերի հիմնական հաճախորդը ես եմ։ Նույնիսկ եթե իմ նկարը լինի և գրած լինեմ, որ սա մեր ամենալավ, ամենաչքնաղ կառավարությունն է, կապ չունի ֆեյքերն առանց տեքստը նայելու կատարում են իրենց հանձնարարությունը»,-ասաց Արթուր Վանեցյանը։

Հարցին՝ հնարավո՞ր է միասնական վարչապետի թեկնածուին փոխեն, Արթուր Վանեցյանն ասաց, որ նման որոշում չկա և այդ հարցը չի քննարկվել․ «Վազգեն Մանուկյանը Հայրենիքի փրկության շարժման վարչապետի միասնական թեկնածուն է և շարունակում է մնալ վարչապետի թեկնածուն։ Վազգեն Մանուկյանի խոսքի ժամանակ Ծառուկյան վանկարկողները մարդիկ են, որոնք իրենց կարծիքն են արտահայտում»,-նշեց Արթուր Վանեցյանը։

Աղբյուր` Փաստինֆո