Փաստ ինֆո

Ազգային ժողովի անկախ պատգամավոր Արման Բաբաջանյանը տեղեկացնում է, որ հանդես է եկել ՀՀ Քրեական օրենսգրքում փոփոխություններ կատարելու սույն նախաձեռնությամբ:

«Հայաստանի ինքնիշխանության նկատմամբ որևէ ոտնձգություն պետք է խեղդվի օրորոցում»,- ֆեյսբուքում գրել է ԱԺ պատգամավոր Արման Բաբաջանյանը՝ առաջարկելով նշել է խմբագրել Քրեական օրենսգրքի 301-րդ հոդվածը, որը քրեական պատասխանատվություն է նախատեսում իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերի համար եւ սահմանել ավելի խիստ պատիժ ։

Ներկայիս խմբագրությամբ սույն հոդվածը նախատեսվում է ազատազրկում մինչեւ երեք տարի ժամկետով.

«Իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը`
պատժվում են տուգանքով` նվազագույն աշխատավարձի երեքհարյուրապատիկից հինգհարյուրապատիկի չափով, կամ կալանքով` երկուսից երեք ամիս ժամկետով, կամ ազատազրկմամբ` առավելագույնը երեք տարի ժամկետով»,- նշված է ՀՀ քրեական օրենսգրքի 301-րդ հոդվածում։

Մինչդեռ պատգամավորն առաջարկում է կոչերի համար պատիժ սահմանել մինչեւ հինգ տարի ժամանակով. :

«1. Իշխանությունը զավթելուն, տարածքային ամբողջականությունը խախտելուն, սահմանադրական կարգը տապալելուն ուղղված հրապարակային կոչերը՝ պատժվում են տուգանքով նվազագույն աշխատավարձի երեքհարյուրապատիկից հինգհարյուրապատիկի չափով կամ ազատազրկմամբ առավելագույնը երեք տարի ժամկետով։

«2. Հրապարակային կոչերը, որոնք ուղղված են նույն արարքները բռնությամբ կատարելուն՝ պատժվում են կալանքով՝ 2-5 ամիս ժամկետով կամ ազատազրկմամբ 3-5 տարի ժամկետով։

«3. Սույն հոդվածի իմաստով սահմանադրական կարգի տապալմանն ուղղված հրապարակային կոչ է համարվում Սահմանադրության 1-ից 5-րդ հոդվածներով կամ 6-րդ հոդվածի առաջին մասով նախատեսված որեւէ նորմի փաստացի վերացմանն ուղղված հրապարակային կոչը»։

Նշենք, որ օրինագիծը դեռեւս տեղադրված չէ ԱԺ կայքում եւ չկարողացանք ծանոթանալ պատգամավորի հիմնավորումներին, եթ ինչ մասնագիտական վերլուծության հիման վրա է առաջարկում կոչերի համար պատիժ առաջարկել մինչեւ 5 տարի ժամանակով։

Աղբյուր` Փաստինֆո