Փաստ ինֆո

Մենք գործ ունենք թուրքական երկու պետությունների շահերի սպասարկուների և տգետ խառնամբոխի հետ, որը հայրենիքի զգացում չունի: Այս մասին «Ձայն հայրենեաց» նախաձեռնության անդամների հավաքի ժամանակ ասաց գրականագետ, Սփյուռքի նախկին փոխնախարար Սերժ Սրապիոնյանը:

Գրականագետի խոսքով՝ ստեղծված բարդ իրավիճակից դուրս գալու համար անհրաժեշտ է հայ ժողովրդի ճիգերի լարում.
«Մեր մտավորականությունը նիրհից շատ ուշ դուրս եկավ, երբ 2.5 տարի առաջ սթափ մարդիկ զգուշացնում էին հնարավոր փորձանքի մասին, որը գալու է հայ ժողովրդի գլխին, այդ մարդիկ անմիջապես հայտնվում էին թիրախում և վարկաբեկվում էին»,-ասաց Սրապիոնյանը:

Գրականագետը պնդում է, որ այս իշխանությունները երկիրը տարել են պատերազմի և մեծ կորուստներ հասցրել.

«Տեսեք՝ ինչ է կատարվում կրթության համակարգում: Իրենց պարգևավճարների կեսի չափ գումար չեն տրամադրում գիտության զարգացմանը: Նրանք պարզապես սպանում են գիտությունը: Իշխանությունը 19 մլրդ-ով ավելացրել է պարգևավճարների գումարը, ավելի մեծ անբարոյականություն ես ոչ մի հասարակաց տանը չեմ կարող մատնացույց անել, ոչ մի հասարակաց տան մեջ այսքան հասարակաց անբարոյականներ դժվար թե կուտակված լինեն: Այսօր անբարոյակնների մի խումբ բազմած է մեր գլխին և քշում է մեզ ինչ-որ տեղ, բայց մենք քշվող ժողովուրդ չենք, երբեմն եղել ենք քշող: Իմ խոսքը ուղղված է ամենաբարձր աթոռը զբաղեցնողից միչև իրենց գաղափարներով զոմբիացած հատվածին»,-ասաց գրականագետը:

Աղբյուր` Փաստինֆո