Փաստ ինֆո

Անհետ կորած զինվորների հարազատները շարունակում են փակ պահել Տիգրան Մեծ պողոտան: 

Ինչպես տեղեկացրել ենք, ծնողները վիրավորված են վարչապետի աշխատակազմի ղեկավար Արսեն Թորոսյանի հայտարարությունից:

Հիշեցնենք, որ անհետ կորած զինվորների ծնողներից մի քանիսը հանդիպել էին Նիկոլ Փաշինյանի հետ։ Անհետ կորած զինվորի հորեղբայրը ՝  Արսեն Ղուկասյանը ուղիղ եթերում հայտարարել էր, թե ծնողների հետ հանդիպման ժամանակ Արսեն Թորոսյանն ասել է՝ շնորհակալ եղեք, որ գոնե այդ հինգ հոգուն բերել ենք։ Ծնողներն էլ շոկոլադ, գինի և ծաղիկներ են ուղարկել Արսեն Թորոսյանին՝ որպես շնորհակալություն։

Ակցիա իրականացնող անհետ կորած զինվորների ծնողներին մոտեցավ վարչապետի օգնական Նաիրի Սարգսյանը և ասաց, թե այդ խոսակցությունները սուտ են.

«Ես ներկա եմ եղել վարչապետի աշխատակազմի ղեկավարի մոտ անցկացված խորհրդակցությանը, նման խոսակցություն չի եղել, որ «մեզ շնորհակալ եղեք, որ հինգ գերի բերել ենք»: Այս խոսակցությունները սուտ են և զուտ ներքին կայունությունը խախտելու համար են, որի պատճառով ծնողները բորբոքվել են և որոշել են փողոց փակել»,-ասաց Նաիրի Սարգսյանը:

Վերջինս հորդորեց քաղաքացիներին բացել ճանապարհը:

Աղբյուր` Փաստինֆո