Փաստ ինֆո

29-ամյա Արգիշտի Քյարամյանը Արցախ էր գնացել ԱԱԾ 30 սպաների հետ, որի առջև դրված հիմնական խնդիրը վարչապետի կնոջ ու նրա որդու անվտանգության ապահովումն է եղել: Այս մասին տելեգրամի իր էջում գրել է ռուսաստանաբնակ մեդիամագնատ Արամ Գաբրիելյանովը։

Ըստ նրա գրառման՝դերաբաշխումը կատարվել է հետևյալ կերպ. բացի Աննա Հակոբյանի անձնական թիկնապահներից, նրա այսպես կոչված արտաքին շրջագծի անվտանգությունն ապահովել է ևս 10 զինված հատուկ ջոկատային։

«Անգամ արցախյան հատուկ ջոկատայիններն էին զարմացած՝ ինչպես էին զինված և ինչ զենքերով էին ԱԱԾ աշխատակիցները եկել Արցախ: Եվս տասը հոգի հսկում էին Փաշինյանի որդուն: Մնացածներն անընդհատ Արգիշտիի տրամադրության տակ էին: Սկանդալը հասունացել է, երբ գեներալ Մովսես Հակոբյանը կոպիտ ձևով պահանջել է, որ Նիկոլի կինը լքի բունկերը, որտեղ քննարկվում էր խիստ գաղտնի ռազմական գործողություն: Դրանից առաջ մի քանի անգամ Աննա Հակոբյանը հրապարակավ նախատել էր գեներալներին և փորձել էր նրանց սովորեցնել, թե ինչպես ղեկավարել զորքերը:

Մովսես Հակոբյանը չի կարողացել դիմանալ և շատ կոշտ պահանջել է այդ կնոջից, որ լքի շտաբը:
Դրանից անմիջապես հետո Աննա Հակոբյանի պահակները փորձել են հանգստացնել նրան: Այնուամենայնիվ, կինը հարբած վիճակում զանգահարել է Նիկոլին և նրան «օդերը հանել»:

Ինչպես պատմում են անվտանգության աշխատակիցները, Աննա Հակոբյանի սենյակից հայհոյանքներ են լսվել:

Կինը նվաստացրել է Նիկոլին և ասել ՝ դու ի՞նչ տղամարդ ես, եթե ինչ-որ մոծակ խայտառակում է կնոջդ:

Կնոջ հետ խոսելուց հինգ րոպե հետո Փաշինյանը զանգահարել է Քյարամյանին և պահանջել, որ ձերբակալի գեներալ Հակոբյանին և նրան ձեռնաշղթաներով բերի Երևան: Պահանջը նրան ձեռնաշղթաներ բերելն էր՝ ոստիկանական ճաղերով մեքենայով:

Քյարամյանը գնացել է Արցախի նախագահի մոտ: Վախեցած Արայիկ Հարությունյանը երկու գեներալների հրավիրել է խորհրդակցության:

Գեներալներն ասել են, որ նման հրաման չեն կատարի,ընդհակառակը, կձերբակալվեն Քյարամյանը և նրա անվտանգության անձնակազմը:

Արայիկ Հարությունյանը հրաժարվել է կատարել Փաշինյանի հրամանը և սրա մասին հայտնել է Արգիշտի Քյարամյանին: Վերջինս վախեցած ձայնով զեկուցել է Նիկոլին, որ գեներալ Հակոբյանին ձերբակալելու հրամանը անհնար է կատարել: Նիկոլ Փաշինյանը սկսել է գոռգոռալ ԱԱԾ երիտասարդ տնօրենի վրա ու ասել նրան՝ «դու տղամարդ չես»: Դրանից հետո հրաման է եղել պատերազմական երկրի ԱԱԾ ղեկավարին աշխատանքից ազատելու մասին»,- գրել է Գաբրիելյանովը:

Աղբյուր` Փաստինֆո