Փաստ ինֆո

«Պատերազմի ժամանակ ես դիմել եմ իմ վերադասին, որ թույլ տա մեկնել մարտական գործողություներին մասնակցելու։ Ինձ ասել են սպասիր, կասենք։ Բայց ես չեմ սպասել, զեկուցագիր եմ գրել, որ ինձ թույլ տան գնալ և մասնակցել մարտական գործողություններին»,- այսօր լրագրողների հետ հանդիպմանն ասաց մայոր Սերոբ Գրիգորյանը՝ ներկայացնելով, թե ինչ ապօրինություններ են եղել իր նկատմամբ։

«Զեկուցագիրը գրել եմ հոկտեմբերի 3-ին, իսկ հոկտեմբերի 9-ին իր վերադաս Գագիկ Խաչատրյանն ինձ ասել է, որ հրամանատարությունը թույլ է տվել  որ կամավորական վաշտ կազմավորելու դեպքում  որպես վաշտի հրամանատար մեկնեմ մարտական գործողությունների վայր։  Ինձ ասել են՝ կամավորական վաշտը պատրաստ է, իսկ ես վաշտի հրամանատարի տեղակալ եմ լինելու։ Ես ինքս չունեմ որևէ ամբիցիա, և մեկնել եմ ճակատ՝ որպես վաշտի հրամանատարի տեղակալ։ Գնացել ենք Ջաբրայիլ։ 6 օր մնացել ենք այնտեղ, որից հետո հոկտեմբերի  16-ին կամ 17-ին է նահանջելու հրաման ենք ստացել, նահանջել ենք, որևէ մեկը մեզ չի դիմավորել։ Ես եկել ու ներկայացել եմ զինկոմիսարիատ, այդտեղ պարզ է դարձել, որ ինձ դուրս են գրել որպես զորահավաքի սպա»,- պատմեց սպան։

Սերոբ Գրիգորյանը նշեց նաև, որ իրեն ծառայողական ոչ լրիվ համապատասխանություն են հայտարարել, հետևաբար ինքը չի կարողացել պահանջել, որ ծառայողական քննություն անցկացվի։

«Երբ իմացա, ասացի, որ պետք է ծառայողական քննություն անցկացվի, բայց ինձ ասացին, որ նման պահանջ չեմ կարող ներկայացնել, քանի որ էլ զինկոմիսարիատի աշխատող չեմ։ Իսկ այդ ծառայողական ոչ լրիվ համապատասխանության մեջ գրված է, որ զորահավաքային պլանը չեմ կատարել։ Բայց եթե ոչ մի վայենկոմ ու տեղակալ չի պատժվում, մենակ ես եմ պատժվում, ուրեմն՝ միակ մեղավորը ե՞ս եմ»,- զարմացած հարցնում է սպան

Սակայն սպան կարծում է , որ իրեն  զորացրելու պառճառը, գնդապետ Գագիկ Խաչատրյանի հետ կոնֆլիկտն է եղել, որը տեղի է ունեցել այն ժամանակ երբ գնդապետը մայորի մոտ անվայելուչ արտահայություններ է արել մեկ այլ սպայի մասին, ինչին մայորը բացասաբար է արձագանքել։

Աղբյուր` Փաստինֆո