Փաստ ինֆո

Նոյեմբերի 9-ից հետո, կամ պատերազմի այսպես ասած ավարտից հետո, եւս դավաճանական գործընթացը շարունակվում է։ Այս մասին «Փաստինֆո»–ի եթերում ասել է ԵՊՀ իրավագիտության ֆակուլտետի դեկան, իրավագիտության դոկտոր, պրոֆեսոր Գագիկ Ղազինյանը։

«Մի քանի օր առաջ հայտարարվեց, որ Պուտինն ու Ալիևը խոսել են մոնիթորինգային խմբի գործունեության արդյունավետության մասին, որը տեղակայված էր Աղդամում, թուրքական զորախումբը մտավ և այլն, հարց է առաջանում եթե եռակողմ է այդ հայտարարությունը ու՞ր է Հայաստանը, ինչու Պուտին-Ալիև, մենք շահագրգիռ կողմ չե՞նք»–, ասել է պրն Ղազինյանը և ավելացրել. «Այս պատերազմը բաժանում եմ երեք փուլի, առաջինը, մեր իշխանությունների կողմից ոչ թե չարվեց ամեն ինչ խուսափելու պատերազմից, այլ ամեն ինչ արվեց որպեսզի պատերազմ լինի, երկրորդ, ամեն ինչ արվեց որպեսզի մենք պատերազմում պարտվենք, ընդ որում իմ յուրաքանչյուր պնդման տակ ես կարող եմ տասնյակ հիմնավորումներ բերել, և երրորդը արդեն եռակողմ հայտարարությունից հետո տեղի ունեցող իրադարձությունները ինչ վերաբերյալ, այն է պետական դավաճանություն մեր հաղորդումն էր դատախազություն»։

Նրա գնահատմամբ՝ տեղին չեն այն գնահատականները, թե այս իշխանություններն ադեկվատ չեն, տրամաբանություն չկա և այլն։ «Ես պետք է ասեմ, որ ավելի ադեկվատ ավելի տրամաբանող իր նպատակներին հասնելու հարցում ես չեմ տեսել», – նշել է Ղազինյանը։ Իրավաբան գիտնականն անդրադարձել է նաև դատական համակարգին, իրավական գործընթացներին և թեմային վերաբերող այլ կարևոր հարցերի։

Մանրամասները՝ տեսանյութում։

Աղբյուր` Փաստինֆո