Փաստ ինֆո

Իրենք չկարողացան փոխել դատարանները, որոնք հիմա շարժվում են բացառապես օրենքի տառին համապատասխան։ ԱԱԾ քննչական դեպարտամենտի, ՀՔԾ, ՔԿ, ոստիկանության, դատախազության բոլոր գործերը գալիս և հանդիպելով դատարանի օրինականությանը՝ փշրվում են։ Այս մասին ասուլիսին ասել է Գառնիկ Իսագուլյանը։

Ինչ վերաբերում է մեղավորներին, ապա Իսագուլյանը նշեց, որ սեպտեմբերի 27-ից մինչև նոյեմբերի 9-ը հայերի նկատմամբ ցեղասպանություն է իրականացվել, ինչի հեղինակը Նիկոլ Փաշինյանն է։ Վերջինս 7000 երեխաների մահը նախապես պլանավորած է եղել՝ իր ոհմակի հետ միասին, որովհետև ամբողջ պատերազմի ժամանակ իրենք խաբեցին ժողովրդին, դադարեցրին զորահավաքը։ Իսագուլյանը հիշեցրեց, որ Ջալալ Հարությունյանի նկատմամբ մահափորձ է իրականացվել, ինչի մասին ինքը բարձրաձայնել էր ի սկզբանե։ 

«Մեր կոորդինատներն ուղղակի հաղորդվել են և հաղորդումից ընդամենը մի քանի րոպե հետո սմերչն  իջել է մեր հարևանությամբ, բայց հրաշքով չի պայթել, ընդ որում՝ նույն վայրում, որտեղ ոստիկաններին ժամանակին սպանել է նույն սմերչը»,- նշեց նա՝ հավելելով, որ ամբողջ պատերազմի ընթացքը կառավարվել  է դավաճանների, թշնամիների կողմից՝ Նիկոլ Փաշինյանի գլխավորությամբ։

Նրա խոսքով՝ Նիկոլ Փաշինյանն այսօր փորձում է ճնշում գործադրել դատարանների վրա, որոնք խոչընդոտ են դարձել, այդ իսկ պատճառով էլ փորձում են 60 դատավորի հարցը լուծել, որոնք պետք է  խուզարկության, հետախուզության, ձերբակալման, կալանավորման հարցերը լուծեն։

«Նույնքան հանցագործ ու դավաճան են բոլոր այն քննիչները, որոնք կատարելով քաղաքական պատվեր, տարբեր մարդկանց նկատմամբ քրեական գործեր են հարուցում, ներկայացնում դրանք որպես ծանր հանցագործություններ և փորձում են մարդկանց ձերբակալել, կալանավորել, նույնչափ մարդասպան են, նույնքան մեղք ունեն 7000 զոհված երեխեքի արյան մեջ, որքան Նիկոլ Փաշինյանը»,- նշեց Իսագուլյանը՝ հավելելով, որ այդ քննիչներն ու դատախազները պետք է կանգնեն Նիկոլ Փաշինյանի կողքին՝ որպես հանցագործ։

Աղբյուր` Փաստինֆո