Փաստ ինֆո

ԱԺ «Բարգավաճ Հայաստան» խմբակցության պատգամավոր Գեւորգ Պետրոսյանը կարծում է, որ չպետք է ասել, թե միայն Նիկոլ Փաշինյանն է դավաճան, այլ նրա ամբողջ թիմը։ 

Պատգամավորը՝ վերլուծելով իշխանության ներկայացուցիչների հայտարարությունները, նշեց, որ իր մոտ տպավորություն է, թե որոշ գործիչներ հոգեխանգարման մեջ են ընկնում,  երբ հայտնվում են տեսախցիկների առջև, քանի որ դարակազմիկ մտքեր են արտահայտում։ Պետրոսյանն  անուններ չնշեց, բայց վստահեցրեց, որ ապացույցներ ունի։

Պատգամավորը մեջբերեց իշխանական պատգամավորից մեկի միտքը, որն ասել էր թե՝ «եթե վարչապետի և նախկին ՊՆ Դավիթ Տոնոյանի միջև հակասություն կար, Տոնոյանը պետք է «Իմ քայլը» խմբակցությունում ներկայացներ ասելիքը»։

«Հլը սրանց վերաբերմունքը նայեք։ Արցախի պատերազմը լուծվում է խմբակցությունում։ Ծանր մարտերի մեջ, ըստ իրենց՝ մարտնչողների կարծիքը կարևոր չէր, Դավիթ Տոնոյանը պետք է գնար «Իմ քայլը» խմբակցություն։ Ինքը ո՞ւմ հետ էր պատերազմը քննարկելու՝ Արփի Դավոյանի՞, թե գոմիկի դեր խաղացած դերասանի, ո՞ւմ հետ պիտի քննարկեր պատերազմի հարցը»։

Պետրոսյանը կարծում է, որ այս պատասխանատու պահին անլուրջ վերաբերմունք են ցուցաբերում։ Պետրոսյանը մեկ օրինակ էլ մեջբերեց նույն պատգամավորից, որին անվանում է «մանդատակիր».

«Ասում էր՝ «Նիկոլ Փաշինյանը չլինելով ռազմական խոշորագույն մասնագետ, որոշումներ է կայացրել», այսինքն նա ռազմական մասնագետ է, բայց ոչ խոշորագույն։ Նիկոլ Փաշինյանը սկի բանակ չի գնացել, ի՞նչ մասնագետ։ Նիկոլ Փաշինյանի ձեռքը ավտոմատ տաս՝ կգցի ոտքին։ Վախենում են օբյեկտիվ բան խոսեն, որովհետև դրանից հետո կարող է ծեծ ուտեն։ Դրանից հետո քաղաքացուն՝ ազատ, արդար, անձայն հավաք անողին քաշում սպանում են, բա նիկոլ Փաշինյանին քննադատող թիմի անդամին ինչ օրը կգցենք»,-մեկնաբանում է ԲՀԿ պատգամավորը։

Ըստ Պետրոսյանի՝ եթե վարչապետը ազնվաբար է պարտվել պատերազմը, նախ հրաժարական կներկայացներ ու պատվով միայնակ կգնար Եռաբլուր, ոչ թե շրջապատված տասնյակ անվտանգության աշխատակիցներով։

Աղբյուր` Փաստինֆո