Փաստ ինֆո

Սյունիքի մարզի Ադրբեջանի վերահսկողությանը հանձնված տարածքներում՝ բնակավայրերում և ճանապարհներում տեղի ունեցած հանցագործությունները կարող են քննվել նաև Ադրբեջանի քննչական մարինների կողմից: 

Այս մասին «Էյջվիէյջ» փաստաբանական գրասենյակի տնօրեն Վահան Հովհաննիսյանի հարցմանն ի պատասխան տեղեկացրել են ՀՀ քննչական կոմիտեից:

Քննչական կոմիտեն պատասխանելով փաստաբանի մի քանի հարցադրումներին՝ այդ տարածքներում կատարվելիք հանցագործությունների վերաբերյալ հայտնել է, որ նման իրավիճակներում գործերի քննությունը պետք է քննվի ՀՀ քրեական օրենսգրքի 14 և 15-րդ հոդվածներին համապատասխան, ինչպես նաև ՀՀ քրեական դատավարության օրենսգրքի 474, 475 և 54. 1 հոդվածով սահմանված կարգով:

Հիշյալ իրավական նորմերը կարգավորում են պետությունների միջև իրավական օգնության հիմնախնդիրները միջազգային պայմանագրերի բացակայության դեպքում և միջպետական հարաբերություններում քրեական գործերով իրավական օգնությունն ընդհանրապես։

ՔԿ-ի կողմից վկայակոչված նորմերից ողջամտորեն ենթադրելի է, որ եթե հանցագործությունը տեղի է ունեցել Ադրբեջանի վերահսկողության տակ անցած բնակավայրերում կամ միջպետական ու միջհամայնաքային ճանապարհներին, ապա գործի վարույթը կարող է իրականացվել Ադրբեջանում:

Այսպիսով, հիշյալ ավտոճանապարհներով երթևեկող, կամ բնակավայրերում գտնվող անձինք առնվազն պետք է տեղեկացված լինեն, որ իրենց կողմից կամ իրենց նկատմամբ կատարվող հանցագործությունների վերաբերյալ գործերը կարող են քննվել Ադրբեջանում:

Աղբյուր` Փաստինֆո