Փաստ ինֆո

Խորհրադարանում քննարկում են ԲԴԽ անդամի ընտրության հարցը։ Թեկնածու Դավիթ Խաչատուրյանը ԱԺ ամբիոնից նշեց, որ խնդիրների մասին խոսելիս կարևոր է երեք հիմնական կետ՝ անկախություն, արդյունավետություն ու բարեվարքություն։ 

Անկախության հետ կապված կարևոր է համարում դատավորների նշանակման ու դատավորների լիազորությունների դադարեցումը, կարգապահական պատասխանատվության ենթարկելը։

Թեկնածուն նշեց, որ դատաիրավական բարեփոխումները սկսվելիս բոլորն ասում էին, որ դատական իշխանությունը ձևավորվում է գործադիրի կողմից՝ արդարադատության նախարարության կողմից սահմանված ենթաօրենսդրական ակտերով, հավելում, որ սա մի ծայրահեղություն է, բայց մտել ենք մեկ այն ծայրահեղություն։

«Խոսքը վերաբերվում է կաստայական կորպորատիվ ավտարկիային, ինչը ենթադրում է վերարտադրության փակ շրջան, որտեղ չի կարող մուտք գործել այլ՝ ժողովրդավարական կամ խորհրդարական հսկողության մեխանիզմներ, երբ որ քննությունների անցկացման ամբողջ ընթացակարգը թողնված է ԲԴԽ խորհրդի որոշմանը»։

Խաչատուրյանը նկատեց՝ եթե այս պահի դրությամբ վարչական դատարանի դատավորների թեկնածուների ցուցակին նայենք, ապա նրանից 6-ից 5-ն աշխատում է կամ դատարանում, կամ դատական դեպարտամենտում։ Նույն վիճակն է նաև քաղաքացիական բլոկում, որտեղ 14-ից 10-ն է նույն վիճակու։

«Հետո տեղի է ունենում դատավորների նշանակում և այսպես ԲԴԽ անդամների ընտրություն, նաև քննական հարցերի կազմակերպում։

Գրավոր քննություններում այնպիսի առաջադրանքներ են, որոնք ավելի հաղթահարելի են դատավորների օգնականների, դատարաններում աշխատող անձանց համար, դրա համար ունենք թեկնածուների առումով այն վիճակագրությունը, որը ներկայացրեցի»,- ասաց թեկնածուն։
Խաչատուրյանն առաջարկեց՝ անհրաժեշտ է քննությունների անցկացման և բանավոր, և գրավոր անցկացման եղանակը սահմանել դատական օրենսգրքով, նաև ԲԴԽ-ին զրկել այդ հնարավորությունից ՝ անցկացնելու քննությունները։ Նշված է նաև, որ ԲԴԽ-ն կազմում ու հաստատում է դատավորների ցուցակները, իսկ Խաչատուրյանն առաջարկում է ԿԸՀ-ի անալոգիայի տարբերակն ընտրել։

Աղբյուր` Փաստինֆո