Փաստ ինֆո

«Այս պահին, երբ Նիկոլ Փաշինյանը հանձնել է Արցախը, երբ որ Փաշինյանը կնոջ հետ սպանել է 5000 և ավելի երիտասարդի, «իկրայի գործը» դառնում է շատ ստվերված»,- այս մասին ասաց «Քաղաքացիական գիտակցություն» ՀԿ նախագահ Նարեկ Սամսոնյանը՝ Նիկոլ Փաշինյանի ընտանիքին վերաբերող հայտնի «Իկրայի» գործով դատական նիստը հետաձգվելուց հետո լրագրողների հետ հանդիպմանը։

Երևանի ընդհանուր իրավասության դատարանը՝ դատավոր Արտուշ Գաբրիելյանի նախագահությամբ, որոշել է հետաձգել դատական նիստը՝ կողմերից մեկի բացակայության պատճառով։

Սամսոնյանը խայտառակություն է որակել ու համարում է, որ իրականում այս ամենն ընդամենը քաղաքական հետապնդման շարունակությունն է։

«Նիկոլ Փաշինյանը «իկրայից» ավելի թանկ բան է կերել։ Նա կերել է ՀՀ արժանապատվությունը, 5000 և ավելի երիտասարդների գլուխ։ Վերջիվերջո Արցախը այլևս մերը չէ, Գորիս-Կապան ճանապարհն է թշնամու ձեռքում։ Այնքան բացասական բան է արել, քան իկրան կամ Մոսկվայում 5000 դոլարով ռեստորանում հին նոր տարին նշելը։ Այս մարդիկ սրբություն չունեն։ Երևի մեր քաղաքացիների կողմից գործած մեղքերի պատճառով ենք այս պատիժը կրում»։

Սամսոնյանը նշեց՝ չէին պատկերացնում, որ որևէ հայ երբևէ կարող է ամբիոնից ասել, որ Շուշին ադրբեջանական քաղաք է։ Դա հանցավոր մտադրության իրագործում է, ու շարունակվում է պետական դավաճանության տրամաբանությունը։

«Չզարմանաք, որ ինչ-որ ժամանակ անց Փաշինյանն ասի, որ «Էրիվանում» 1918-ից առաջ ապրել են բացառապես ադրբեջանցիներ։ Ես չեմ զարմանա։ Ես զարմանում եմ՝ ինչպես են գլուխները բարձին դնում այն գեներալները, որոնք Շուշին են ազատագրել, զինվոր կորցրել ու Արցախ պահել, ու այս տականքը շարունակում է լինել ՀՀ վարչապետը»,- նշեց Սամսոնյանը, հավելելով, որ գուցե մենք արժանի չենք եղել պետություն ունենալու։

Իսկ Օնիկ Գասպարյանն ավելի մեղավոր է, քան Նիկոլ Փաշինյանը։ Եթե Փաշինյանը դավադիր դավաճան է, ապա Օնիկ Գասպարյանը զինվորական է ու վստահաբար պատկերացնում է՝ ինչ արհավիրքներ են սպասվում։ Սամսոնյանը նաև նշեց, որ ԱԺ-ում թուրք գործակալ է նստում, Փաշինյանը զրահաբաճկոնով է մոտենում խորհրդարան, իսկ ընդդիմադիրները նրանց ճանապարհը չեն փակում։ Կոնկրետ անուններից սպասում էր կոնկրետ գործողությունների.

«Ես արդեն սկսում եմ կասկածել, որ շշուկները, թե ինչ-որ խնամիական երկրորդ կապեր կա Գագիկ Ծառուկյանի ու Նիկոլ փաշինյանի միջև, իրական են։ Որովհետև ինչ է նշանակում չխոսել, երբ գիտես, որ գործակալ է այդտեղ նստած։ Այդ մարդիկ պիտի հարցնեին՝ օմեգա, ինչպես է ստացվել, որ դուք օմեգան եք, ինչպես եք սա հերքելու։ Նրանք դա չարեցին»,- ասաց Սամսոնյանը։

Աղբյուր` Փաստինֆո