Փաստ ինֆո

Երեկ, ՀՀ վարչապետի պաշտոնը զբաղեցնող և պարբերաբար գործ անելու պատրանք ստեղծելու նպատակով տարբեր պաշտոնյաների փոխատեղություններ իրականացնող անձը շատ տարօրինակ մի հայտարարություն արեց, այն է՝ «Պետական կառավարման համակարգը ռեստարտի անհրաժեշտություն ունի, որը պետք է սկսվի վարչապետի աշխատակազմից»:

Մինչ այդ արդեն նա հասցրել էր իր աշխատակազմի ղեկավար Էդ․ Աղաջանյանին փոխարինել նախկին առողջապահության նախարար Արսեն Թորոսյանով, որին էլ փոխարինելու էր եկել նրա տեղակալը՝ մի տիկին, որն իր տեղակալը և մտերիմ ընկերոջ կինն էր: Բացի այդ, ինչպես մեդիա տիրույթում արագ արձագանքեցին՝ առաջին նախագահի համախոհ-համակիրներից մեկի դուստրը։

Այսպիսով, Փաշինյանի ռեստարտը, որ ոչ այլ ինչ է, քան՝ մեխանիկական փոխատեղություններ, տրված է։ Եվ այդ, արտաքուստ պարզունակ փոփոխությունների մասին խոսակցությունը բոլորովին այլ համատեքստում կլիներ, եթե դրա տակ ստորջրյա հոսքեր չլինեն, ոչ միայն Ազգային Ժողովում, այլև կառավարությունում ու դատական համակարգում արդեն իսկ իրենց զգացնել տված չլինեին։

Ընդհանրապես, այս գունավոր հեղափոխության դերաբաշխումը տարբեր էշելոնների միջև ի սկզբանե էր արվել։ Հների և նորերի գործոնը հենց այս համատեքստում էր խաղարկվել։ Այս դեպքում, թերևս, կարելի է առավելապես նկատի ունենալ «հայրեր և որդիներ»-ի գործոնը, քանի որ 90-ականների հհշական հայրերի որդիներն ու դուստրերն են ներկա իշխանության տարբեր ճյուղերում։ Հայրերը՝ Տեր-Պետրոսյանից սկսած՝ խորհրդատուի դերում էին տևական ժամանակ, բայց օրինակ, հհշական հներից որոշները երևի իրենց զավակների փոխարեն, հենց սկզբից խառնվել էին թավշյա նորաթուխներին։ Ինչպես՝ ԱԺ արտաքին ոլորտում՝ Հովհաննես Իգիթյանն էր, անվտանգության և ներքին գործերի բնագծում՝ Անդրանիկ Քոչարյանը։ ՈՒշագրավ է, որ Տեր-Պետրոսյանի աջակիցների և զինակիցների զավակները՝ Մակունցից Սիմիդյան Հակոբ նիկոլամերձ դիրքերում էին։ Այսինքն, Տեր-Պետրոսյանն ամենուր առկա էր, թեպետ 2018-ի հեղափոխական օրերին ինքն իրեն ժողովրդի ծառա համարող թավշյա առաջնորդը ցայտուն կերպով զատում էր սեփական անձը Տեր-Պետրոսյանից։

Ի դեպ, արդեն նախկին առողջապահության նախարար, երդվյալ լևոնական Արսեն Թորոսյանի ջուրը, որքան էլ Փաշինյանի հետ մի առվով չէր գնում, այսօր նա ավելի է մոտեցել վարչապետի աթոռն զբաղեցնող անձին։ Փաշինյանի ասած ռեստարտը մի տեսակ հիվանդագին մերձեցման տպավորություն է թողնում։ ԿԳՄՍ նախարար Արայիկ Հարությունյանը պատերազմի ավարտից երկու շաբաթ անց, երբ հետպատերազմական ամենաբարդ օրերն էին, ազատվեց պաշտոնից, նրանից երկու օր առաջ պաշտպանության նախարար Դավիթ Տոնոյանն էր ազատվել։ Երկուսին էլ փոխարինեցին հհշական հները։

Հիմա, այս հայտարարված ռեստարտը ենթադրում է հհշականների մի նոր վերադարձ, ընդ որում՝ արդեն էական էլ չէ՝ հայրե՞րն են, թե՞ որդիները։

Մի դեպքում դա կարող է լինել 65-ամյա Գագիկ Ջհանգիրյանի կերպարով, մեկ այլ պարագայում՝ հին լևոնականի համարում ունեցող տիկնոջ առողջապահության նախարար դստեր․․․

Տպավորություն կա, որ նիկոլի շուրջը, կառավարությունում հավաքվում են Նիկոլի հետ նույն ինքնաթիռով թռչողները՝ ԿԳՄՍ Արայիկից կորոնագարդասիլ Արսեն Թորոսյան և DJ- աշխատակազմի ղեկավարի նշանած համարվող Փաշինյանի մամլո խոսնակ Մանե Գևորգյան։ Ինքնաթիռում տեղերը քիչ են։

․․․Իսկ որպես ռեստարտ Աստված մի արասցե, որ սպասեք հհշ-ի նոր էշելոնին, հնից հին, մաշված, 20 տարի առաջվա մտքերով, սուղ բյուջեի, գրանտների և հումանիտար օգնությունների հաշվին ապրող․․․

Հեղինակ՝ Մարինե Մինասյան

Աղբյուր` Փաստինֆո