Փաստ ինֆո

2018թ տեղի ունեցածը հատուկ գործողություն էր՝ օտարերկրյա գործակալական ցանցի կողմից, որն ուներ հստակ օրակարգ, եւ այն իրագործվեց Արցախի հանձնմամբ և շուտով անցնելու են երկրորդ փուլին, այն է՝ հաշտության պայմանագրեր են պատրաստվելու Ադրբեջանի և Թուրքիայի հետ։ Մի կողմից Արցախն ենք հանձնելու և հաշտվելու ենք Ադրբեջանի հետ, մյուս կողմից՝ Ցեղասպանության թեման փակենք և հաշտվենք Թուրքիայի հետ։ Այս մասին ֆեյսբուքում տարածած տեսանյութում ասել է «Ադեկվադ» միաբանության համահիմնադիր Արթուր Դանիելյանը։

Նրա խոսքով՝ տնտեսական ինտեգրացիայի շնորհիվ Հայաստանից փորձում են զրկել ինքնիշխանությունը և անցնել Ռուսաստանի կազմաքանդման վերջնական փուլին, ինչը ոչ մեկի համար գաղտնիք չէ։ Ա.Դանիելյանի կարծիքով՝ 2018թ տեղի ունեցածն ամբողջ աշխարհով փորձարկված տեխնոլոգիաների արդյունք էր, բայց տեխնոլոգիաները հաջողության հասան, որովհետև տարիներ շարունակ ժողովրդի որոշակի հույզերի վրա կատալիզատորներ էին ավելացնում, որ ցասումը տեղի ունենա և ժողովուրդը ցասման ընթացքում նույնիսկ հրաժարվի սեփական պետությունից և անվտանգությունից։

«Մարդիկ, որոնք բողոքում էին, հաճախ բողոքում էին կաշառակերությունից, արտագաղթից, եկամուտների ոչ արդար բաշխումից և այլ ցուցանիշներից, որոնք կեղծ էին»,- նշեց Դանիելյանը՝ հավելելով, որ ինքը բազմիցս փորձել է բացատրել, որ այն ամենն, ինչ ասում էին վերջիններս սուտ է՝ սկսած Սաշիկի 50 տոկոսներից և վերջացրած արտագաղթով և իրականում կաշառակերության ցուցանիշով Հայաստանը եվրոպական բանկի ցուցանիշներով զբաղեցրել է երկրորդ տեղը, առաջինը՝ Վրաստանն էր, քանի որ Վրաստանն իրենց «հաջողված պատմությունն» էր։

Դանիելյանը նշեց, որ նույն տեխնոլոգիան կիրառվել է նաև Հայաստանի նկատմամբ, երբ հեղաշրջումից հետո միանգամից տարատեսակ ինդեքսներում Հայաստանը սկսեց բարձր հորիզոնականներ զբաղեցնել, օրինակ, համարվել ենք աշխարհի թոփ 3 անվտանգ երկրներից մեկը, մինչդեռ՝ ոստիկանության վիճակագրությամբ կտրուկ աճել էր հանցավոր դրվագները՝ բացի թմրամոլության դեմ պայքարից։

Մանրամասները՝ տեսանյութում։

Աղբյուր` Փաստինֆո