Փաստ ինֆո

ԱԺ-ում քննարկվում է Կառավարության ներկայացրած «Տնտեսական մրցակցության պաշտպանության» օրենքում և կից ներկայացված օրենքներում լրացումների, փոփոխությունների նախագծերի փաթեթն առաջին ընթերցմամբ ընդունելու հարցը: ՏՄՊՊՀ նախագահ Գեղամ Գևորգյանը ներկայացրեց, մոտ 20 տարի առաջ ընդունված տնտեսական մրցակցության ոլորտը կարգավորող օրենքը ենթարկվել է տարբեր փոփոխությունների, որում առկա են մի շարք բացեր: 

«Հանձնաժողովի կողմից իրականացվող վարույթներն իրենց բնույթով միանգամյա են՝ իրավախախտման վարույթ, համակենտրոնացման, գնահատման վարույթ, եզրակացությունների տրամադրման վարույթ: Իրականացվում են նույն գործընթացով, սակայն դրանք էական տարբերություններ ունեն: Սույն նախագծով փորձ է կատարվում լուծել խնդիրները թե՛ հանձնաժողովի, թե՛ տնտեսվարող սուբյեկտների համար: Իրավախախտման վերաբերյալ վարույթներում տարբերակված չեն վարույթի մասնակիցները, նրանց իրավունքներն ու պարտականությունների ծավալը, վարույթի հարուցման առիթները: Նախատեսված չեն իրավախախտման վարույթ հարուցելու առիթները, նախնական ստուգման ենթարկելու ընթացակարգերը և այլն»,- ասաց Գևորգյանը՝ հայտնելով, որ եթե օրենքն ընդունվի, ապա այսուհետև հնարավորություն կունենան նաև նախնական վարույթ իրականացնել և առերևույթ հիմքերի պարագայում հարուցել բուն վարչական վարույթ:

Օրենքն այսուհետ տուգանքների առավելագույն շեմն է սահմանում, ինչը հնարավորություն է տալիս որոշ տնտեսվարող սուբյեկլտների իրականացնելով խախտում, վերջնարդյունքում ունենալ առավել մեծ շահույթ խախտման արդյուքնում և վճարելով տուգանքը լինել միշտ ձեռնտու վիճակում։

«Միևույն ժամանակ այսօր տնտեսվարող սուբյեկտները չունեն որևէ մոտիվացիա, երբ հանձնաժողովը պատասխանատվության է ենթարկվում ֆինանսական առումով, դրանք վճարել և չգնալ բողոքարկման գործընթացով, որովհետև որևէ առավելություն չեն ստանում, սակայն մտնելով վիճարկման փուլ, վճարման գործընթացը առնվազն մի քանի տարի կարողանում են հետաձգել։ Գործնականում ունենք տնտեսվարողներ, որոնք ընդունում են իրենց կատարած խախտումները, սակայն գնում են հետաձգման փորձով։ Հանձնաժողովը որոշել է կատարել այն փոփոխությունը, որ եթե տնտեսվարող սուբյեկը, որը վարույթի սկզբում ընդունում է, որ ինքը կատարել է իրավական խախտում և համագործակցում է հանձնաժողովի հետ, ապա ֆինանսական տուգանքը չի կարող լինել 50 տոկոսից ավելի։ Եթե պրոցեսի վերջում պատրաստակամություն է հայտնում վճարել տուգանքը, ապա այս դեպքում 70 տոկոս է գործում»,- եզրափակեց Գևորգյանը։

Աղբյուր` Փաստինֆո