Փաստ ինֆո

ԱԱԾ-ն իր հայտարարությամբ, ըստ էության, հաստատեց, որ ՀՀ ԱԺ նախագահ Արարատ Միրզոյանը Հայաստանի ԱԱԾ գործակալ է: Այո, նրանք չասացին, որ նա նաև թուրքական գործակալ է, բայց, ի վերջո, դա պետք է հերքի կամ հաստատի հենց Թուրքիան, իսկ մնացածը թող ծառայողական խումբ ստեղծվի ու պարզեն գործի հանգամանքները, այսինքն մեր ԱԱԾ-ն նաև իրեն այդ կերպ հեռու է պահում այս ամենից։ Անդրադառնալով Վատիկանում ՀՀ նախկին դեսպան Միքայել Մինասյանի` Արարատ Միրզոյանի կրկնակի գործակալ լինելու հայտարարությանը «Փաստինֆո»-ի եթերում ասել է «Ազգային անվտանգություն» կուսակցության նախագահ Գառնիկ Իսագուլյանը։

Նրա խոսքով` այսօր Սյունիքի հարցը դրված է, դա մեծ դավաճանական ծրագրի շարունակությունն է: Ըստ նրա` Նիկոլ Փաշինյանն իրականացրել է այդ ծրագրի մի մասը` հանձնելով Արցախը, և այսօր նա ուզում է ձևավորել մի նոր քաղաքական թիմ, որը կգա և կշարունակի այդ ծրագիրն ու կհանձնի նաև Սյունիքը։
Բանախոսն անդրադարձել է նաև Արսեն Թորոսյանի փոխատեղմանը, իշխանական թևում տեղի ունեցող վերադասավորումներին, ինչպես նաև թեմային առընչվող ներքաղաքական կարևոր մի շարք հարցերի ևս, այդ թվում ընդդիմության դերին ու անելիքին։

Մանրամասները՝ տեսանյութում։

Աղբյուր` Փաստինֆո