Փաստ ինֆո

Ես լիովին բավարար եմ համարում թե՛ Արարատ Միրզոյանի, թե՛ ԱԱԾ-ի մեկնաբանությունը։ Այս մասին խորհրդարանում լրագրողների հետ զրույցում ասաց ԱԺ փոխխոսնակ Ալեն Սիմոնյանը՝ անդրադառնալով ԱԺ նախագահ Արարատ Միրզոյանի կրկնակի գործակալ լինելու մասին տեղեկություններին։

Հարցին՝ խորհրդարանում այդ հարցը քննարկե՞լ են, Ալեն Սիմոնյանն ասաց․ «Ինչի՞ համար։ Հիմա ով ինչ ասի պիտի վազելով գանք խորհրդարանում քննարկենք, թե որ օգտատերն ինչ ասաց»,-պատասխանեց Ալեն Սիմոնյանը։

Անդրադառնալով հարցին՝ արդյոք բացառում է, որ նման բան կարող է լինել, Ալեն Սիմոնյանն ասաց․ «Ես ունեմ կյանքի փորձ նրա հետ աշխատելու։ Իմ գործընկերն է, ընկերը, զինակից ընկերն է։ Ինձ համար մինչև նրա այդ թուղթը մեկնաբանելն ամեն ինչ պարզ էր ու ես վստահ եմ, որ այն մարդիկ, որոնք փորձում են դա շահարկել, իրենց վերջին ժամանակահատվածում շատ սխալ մարտավարություն ընտրեցին և մարդկանց սխալ, կիսաճիշտ ինֆորմացիայով գժվացրեցին ու բերեցին մի իրավիճակի, երբ մարդիկ սկսել են որևիցե մեկի խոսքին չհավատալ»,-նշեց Ալեն Սիմոնյանը։

Ինչ վերաբերում է՝ կե՞ղծ էր Արարատ Միրզոյանի ստորագրությամբ փաստաթուղթը, թե ոչ, Ալեն Սիմոնյանը վերահաստատեց՝ իր համար բավարար են Արարատ Միրզոյանի և ԱԱԾ-ի մեկնաբանությունները․ «Ես չեմ բացառում, որ էլի ինչ-որ նմանատիպ բաներ կլինեն։ Ամեն բանի հետ կապված ընկնենք, ապացուցենք, որ էս սենց չի, նենց չի։ Գործ կա անելու։ Թե ով որ ժամանակ ինչ թուղթ է գրել, ինքն է գրել, թե ոչ, կարծում եմ՝ դա ավելի շատ բամբասանքի նմանվող բան է։ Ես չեմ ուզում բամբասանքով զբաղվել»,-ասաց Ալեն Սիմոնյանը։

Աղբյուր` Փաստինֆո