Փաստ ինֆո

«Այսօր ես ձեզ համար անելու եմ ամենատխուր բացահայտումներից մեկը, որովհետև ես ձեզ ասելու եմ, թե ո՞վ է այն ամենաարձր պաշտոնյան, ով  հանդիսանում է Հայաստանում Թուրքիայի գործակալը,- մեկնարկելով այսօրվա թողարկումն, ասում է Սուրբ Աթոռում Հայաստանի նախկին  դեսպան Միքայել Մինասյանը՝ Requiem 8 շարքի հերթական ուղիղ միացման ընթացքում, որտեղ վերջինս խոսում է Սփյուռքի մասին, վերնագրելով հերթական թողարկումը՝ «Սփյուռքը և Ցեղասպանությունը» անվանումով, ներկայացնելով այնտեղ փաստեր՝ թուրքական շպիոն ու ԱԱԾ գործակալ բարձրաստիճան պաշտոնյայի մասին,- այս պատմությունը սկսում է 2005 թվականից, երբ մի խոստումնալից երիտասարդ, ում միտքը սև էր, իսկ հոգին պղտոր, ամբիցիաներն էլ շատ բարձր էին, հայտնվում է Ցեղասպանության թանգարանում: Երբ նա ԱՄՆ-ում սկսում է ուսումնասիրել Հայոց Ցեղասպանության ճանաչման գործընթացը, հայտնվում է թուրքական գործակալների տեսադաշտում: Թուրք կուրատորի և խոստումնալից երիտասարդի միջև հանդիպում է կայանում, որտեղ այս երիտասարդն իր հոգին վաճառում է թշնամուն՝ համաձայնվելով գաղտնի տեղեկություններ փոխանցել թուրքերին, այն մասին, թե ի՞նչ գործընթացքներ են կատարվում Հայոց Ցեղասպանության թանգարան-ինստիտուտում,  ի՞նչ արխիվ է այնտեղ հավաքվում և այլն»:շ

Ներկայացնելով հերթական բացահայտումների մանրամասները, Միքայել Մինասյանը տեղեկացնում է՝ կարճ ժամանակ անց, Հայաստանի Ազգային Անվտանգության Ծառայությունը ֆիքսում է երիտասարդի և Թուրքիայի կոնտակտները, հրավիրում է վերջինիս զրույցի և դնելով նրա առաջ փաստերն ու ապացույցները, հայտնում է,  որ կամ նրան երկար տարիների ազատազրկում է սպառնում, կամ երիտասարդը  կդառնա  նաև հայկական կողմի գործակալը. «Արդյունքում, երիտասարդը դառնալով կրկնակի գործակալ, փորձում էր հաճույք ստանալ բոլոր անցքերից: Ժամանակի ընթացքում նա տեղավորվում է այնպիսի հետաքրքիր և թուրքերի համար ռազմավարական նշանակության կարևոր աշխատանքի, ինչպիսին Ազգային արխիվն է, այնուհետև նաև՝  Ռուբեն Վարդանյանին պատկանող «Ավրորոա» հիմնադրամ, «ԷՅՋ ԷՍ ԲԻ ՍԻ» բանկ և այլն: Աստված գիտի, թե այս ողջ ընթացքում ինչեր է նա փոխանցել թուրքական կողմին, ինչպես նաև Հայաստանի հատուկ ծառայություններին և այսպես շարունակ: Որոշ ժամանակ անց, թուրքերի խորհրդով, այս երիտասարդը սկսում է համագործակցել նաև Նիկոլ Փաշինյանի հետ՝  դառնալով Փաշինյանի թիմի կարկառուն կերկայացուցիչը: Երբ թուրքերն ու ադրբեջանցիները Հայաստանում հեղաշրջում կազմակերպեցին, վարչապետ դարձավ այն թյուրիմացությունը, մարդասպանն ու դավաճանը, ով, ցավոք սրտի, դեռևս վարչապետ է, մեր պատմության հերոսը դարձավ Հայաստանի Հանրապետության Ազգային ժողովի նախագահ…Այո, այն մարդը, ում մասին ես խոսում եմ Արարատ Միրզոյանն է՝ Հայաստանի Հանրապետության Ազգային Անվտանգության ծառայության գործակալը, գործակալ նաև՝ Թուրքիայի հատուկ ծառայության համար»,- մանրամասներ է ներկայացնում Միքայել Մինասյանը:

Մանրամասները՝ տեսանյութում

Աղբյուր` Փաստինֆո