Փաստ ինֆո

Հայաստանում ցանկացած ոլորտի վերաբերող ցանկացած հարց առանց Փաշինյանի «դաբրոյի» տեղի չի ունենում։ Տեղերում պաշտոնավորող կամակատարները ամեն բան համաձայնեցնում են նախօրոք, իրար մեջ էլ ասում՝ «գժի հետ գործ չունենանք»։

Եթե իշխանության մեջ է այսպես, բա ընդդիմության հանդե՞պ ոնց կլինի։ Խորհրդարանական լինի, թե՝ արտախորհրդարանական։ Վերջինս ուղղակի խոշորացույցի տակ է գործունեություն ծավալում։

Նախօրեին Գյումրիում Վազգեն Մանուկյանի դեմ ակցիան նույնպես կազմակերպվել էր Փաշինյանի ուղիղ ցուցումով։ Արդեն տեղեկություններ կան, որ ակցիան կազմակերպել է «իմքայլական» պատգամավոր Անդրանիկ Քոչարյանը՝ ռազմական ոստիկանության պետ Աշոտ Զաքարյանի միջոցով։

Ընդ որում, իշխանությունը զավթած այս անձինք բացարձակ ոչ մի սրբություն չունեն և ոչնչի առաջ կանգ չեն առնում։

Պարզվում է՝ ադրբեջանական գերության մեջ գտնվող գյումրեցիների գործոնն են նույնիսկ շահարկել, նրանց հարազատներին համոզելով, թե՝ պետք է ակցիա անեք, որ Փաշինյանը բանակցի ու ձեր երեխեքին վերադարձնի։

Ընդհուպ՝ նույնիսկ սպառնացել են՝ եթե Վազգենի հավաքին մասնակցեք, ձեր գերյալներով չենք զբաղվելու։

Ի՞նչ է ստացվում՝ Ադրբեջանի կողմից գերեվարված և մոտ 3-4 ամիս արդեն անմարդկային պայմաններում որպես գերի պահվող մեր հայրենակիցները կրկնակի գերիներ են։ Նրանց ոչ միայն Ադրբեջանն է որպես գերի պահում, այլ նաև՝ Հայաստանը՝ ի դեմս Փաշինյանի։ Վերջինս, ըստ էության, գերիների հարազատներին շարունակ օգտագործում է՝ իր կեղտոտ նպատակներն իրագործելու համար։ Ընդ որում, դա անում է և՛ արտաքին, և՛ ներքին հարաբերություններում։

Վկա՝ հունվարի 11 -ի մոսկովյան հանդիպումը, որը գերիների ծնողներին ներկայացվել էր որպես իրենց որդիների հարցի լուծմանն ուղղված կարևոր հանդիպում՝ շեղելով նրանց այդ հարցի լուծման համար մատը մատին չտվող իշխանության դեմ պայքարից։ Արդյունքում, վարչապետի աթոռն զբաղեցնող անձն այս թեմայով մի խղճուկ նախադասություն ընդամենը արտաբերեց․ «մեզ չհաջողվեց լուծել գերիների հարցը», որը պարզորոշ ցուցանում էր՝ նման հարց չի էլ քննարկվել։

Հիմա, երեկ ընդդիմության միասնական լիդերի՝ Վազգեն Մանուկյանի հանդիպումը՝ Գյումրիում էր, գյումրեցիներին էին իրենց գերիների հարցը շահարկելով խաբել՝ իրենց գերիների հարցը շահարկելով, այսօր հանդիպումը Վանաձորում է, նույնը կանեն այնտեղ և այսպես շարունակ։

Ադրբեջանում ամիսներ պահվող մեր գերիների հարազատները պիտի հասկանան, որ եթե իրենց զավակները Փաշինյանին հետաքրքրեին, եթե նա չնչին իսկ սրտացավություն ունենար, այդ հարցը վաղուց լուծվել էր։ Ի սկզբանե էր ասված՝ «բոլորը՝ բոլորի դիմաց»։ Այս համատեքստում Փաշինյանը շտապեց բանտում պահվող մարդասպան 2 ադրբեջանցիներին հանձնել, իսկ մեր տղաներին թողեց թշնամու ձեռքում, որ ամեն անգամ, երբ իրեն պետք լինի, նրանց ծնողներին վախեցնի․․․

Ասել է՝ մեր գերիները Ալիև-Փաշինյան զույգի ձեռքին են գերի դարձել, ամիսներ շարունակ հարցն առկախ թողնելով՝ յուրաքանչյուրն այդպիսով իր խնդիրն է լուծում։

Քանի դեռ Փաշինյանն է այս համատեքստում «հարց լուծողը», այն տեղում դոփելու է։ Սա է, որ պիտի հասկանան գերիների հարազատները։

Աղբյուր` Փաստինֆո