Փաստ ինֆո

Ապացուցված կարելի է համարել այն, որ պատերազմը կարելի էր կանխել։ Երկրորդը՝ պատերազմին, եթե մեր բանակը պատրաստ լիներ, այդ ամուր դիրքերը մենք կկարողանայինք պահել։ Նույնիսկ այդ աննպաստ պայմաններում, եթե հիմար հրամաններ չլինեին և կարգուկանոն լիներ, մենք այդ կորուստները չէինք ունենա»: Այս մասին Վանաձորում ասաց «Հայրենիքի փրկության» շարժման միասնական թեկնածու Վազգեն Մանուկյանը.

Վերջինս իր ելույթում ընգծեց, որ սկզբում, երբ ռազմական գործողությունները վատ ընթացք էին ստացել, հնարավոր էր ու պետք էր պատերազմը կանգնեցնել, ինչի մասին  առաջարկություններ եղել են.

«Ապացուցված եմ համարում, որ Շուշին ոչ թե գրավել են ադրբեջանցիները, այլ՝ տվել են մերոնք, դավաճանության, թե՝ հիմարության պատճառով առանձին հարց է, այդ ամենն արդեն վկայություններով ապացուցված է»,-ասաց Վազգեն Մանուկյանը։

Վերջինիս համոզմամբ՝ նոյեմբերի 9-ի եռակողմ հայտարարությունը կարող էր լինել ավելի բարենպաստ հայկական կողմի համար.

«Զգացվում է, որ հայկական կողմը ոչ մի քաղաքական բանակցություն, առևտուր չի արել՝ լավացնելու այդ փաստաթուղթը։  Ավելին, մանրամասն հետևելով ռազմական գործողություններին, ինչպես նաև Ալիևի հայտարարություններին՝ ես մի բան կարող եմ պնդել, որ ամսի 8-ի ու 9-ի կողմերը ադրբեջանական բանակն ինքն էլ պահանջ ուներ դադարի։ Զենքն ու զինվորներն իրենց մոտ շատ էին, բայց իրենց մոտ էլ կար հոգնածություն և ներքին դժգոհություն։  Դա այն վիճակն էր, որ մենք կարող էինք լուրջ առևտուր անել ու շատ նվաստացուցիչ կետեր եռակողմ հայտարարության մեջ չէին լինի»,-ասաց Վազգեն Մանուկյանը՝ հավելելով, որ եռակողմ համաձայնագիրը կործանարար էր մեր ժողովրդի և պետության համար:

Աղբյուր` Փաստինֆո