Փաստ ինֆո

2018թ-ին Հայաստանում իշխանության եկան մի խումբ մարդիկ, որոնք ամենօրյա իրենց կազմակերպված և գիտակցված աշխատանքով քայքայեցին հայկական բանակը, թուլացրեցին մեր ազգային դիմադրողականությունը: Երկիրը կանգնեցրին պատերազմի առջև։ Պատերազմի ողջ ընթացքում ցուցաբերեցին անգործունեություն և դավաճանություն։ Թշնամանք սերմանեցին մեր հասարակության մեջ, և արդյունքում մենք կորցրեցինք Արցախի 70%-ը: Այս մասին, Վանաձորում  ասաց ՀՅԴ Հայաստանի ԳՄ ներկայացուցիչ, «Հայրենիքի փրկության» շարժման համակարգող Իշխան Սաղաթելյանը:

Վերջինս իր ելույթում նշեց, որ այս իշխանության, մասնավորապես Նիկոլ Փաշինյանի, մեկ օր ավելի մնալը կորուստ է մեր երկրի համար.
«Այս մարդը կառչել է իր աթոռից, չի պոկվում և հետևողականորեն մեր երկիրը տանում է կործանման»,-ասաց Սաղաթելյանը:

Իշխան Սաղաթելյանը վանաձորցիներին ներկայացրեց «Հայրենիքի փրկության շարժման» ճանապարհային քարտեզը՝ պարտված վարչապետը պետք է հրաժարական տա և ձևավորվի ժամանակավոր կառավարություն.

«Նիկոլ Փաշինյանը որևէ կապ չունի պետական համակարգի հետ, մինչև հիմա կառավարության անդամները հանձնարարություն են ստանում «whats up»-ով։ Իր լայվերը դարձել են պետական տեղեկատվության աղբյուր։ Այս մարդը հետևողականորեն քանդում է պետական համակարգը։ Ժամանակավոր կառավարության հիմնական խնդիրներից առաջնահերթը՝ դա կանխելն է»։ 

Աղբյուր` Փաստինֆո