Փաստ ինֆո

Արգիշտի Քյարամյանը կոորդինացնում էր Շուշիի հանձնման գործընթացը։ Այս մասին հրավիրված մամուլի ասուլիսին ասաց ԱԱԾ պահեստազորի սպա Զոհրաբ Ավետիսյանը։

«Ես այնտեղ դիրքավորված պառկած էի, դասակին դիրքավորել էի, մեկ էլ տեսնեմ՝ Քյարամյանը Շուշիի Քարին տակից բարձրացավ»,- նշեց Ավետիսյանը՝ պատմելով, որ Քյարամյանն ասել է, թե պատրաստվում է փոխել դասակի նռնականետի դիրքը, ինչը վրդովմունք է առաջացրել Ավետիսյանի մոտ։ Վերջինս էլ, ըստ իր պատմածի, հայտարարել է՝ թե ով է Քյարամյանը, որ առանց դասակի հրամանատարին հարցնելու գնա և զինվորի դիրք փոխի.«Ասում եմ՝ դու ով ես, որպես ինչ ես դու, ով է քեզ թույլ տվել, որ դու դիրք փոխես։ Ինքն էլ շատ արագ ճողոպրեց։ Դա էր նրա դերակատարությունը։ Տպավորություն էր ստեղծվել, որը հետո դարձավ համոզմունք, որ Աննա Հակոբյանը գտնվում էր բունկերում, հսկում էր գործողությունները՝ բունկերից, իսկ Քյարամյանն այդ գործողությունները՝ Շուշիի հանձնման գործողությունները,  հսկում էր դրսում։ Նա կոորդինացնում էր Շուշիի հանձնման գործընթացը և ամեն ջանք գործադրեց, որ մեր զորախումբը ոչնչացվի»,-հայտարարեց  ԱԱԾ պահեստազորի սպա Զոհրաբ Ավետիսյանը։

«Հայրենիք» զորախմբի անդամ Հրահատ Մխեյանն էլ անդրադարձավ Քյարամյանի հայտարարությանը, թե վերջինս իջել է դիրքից և տեսել, որ Վանեցյանն այնտեղ չէ։ Մխեյանը ներկայացրեց հանգամանքները՝ նշելով, որ Արթուր Վանեցյանի հետ միասին գնացել են շտաբ՝ Ստեփանակերտ, մտել բունկեր, Վանեցյանը զեկուցել է, թե ինչ է կատարվում, իսկ հրետանին ոչնչացրել է ադրբեջանական զորախումբը։

Նա պատմեց, որ, երբ մոտեցել է ավտոմեքենային, իրեն է մոտեցել Արգիշտի Քյարամյանը, որոին ինքը նույնիսկ դեմքով չէր ճանաչում և չգիտեր, որ այդ «երեխան» կարող է ԱԱԾ պետ լինել։  Հարցրել է Քյարամյանից, թե ով է վերջինս, ինչին ի պատասխան էլ Քյարամյանն ասել է, թե զորամասի հրամանատար է, մինչդեռ՝ զորամաս չի ունեցել, իրեն ուղեկցել են երկու թիկնապահներ։

Քյարամյանն առաջարկել է բարձրանալ և պահել դիրքը, ինչին ի պատասխան Մխեյանն ասել է, որ ինքն ինչպես պետք է բարձրանա հատուկ նշանակության խմբով դիրք պահելու այն պարագայում, երբ ինքը պետք է տեղեկություն փոխանցի շտաբին։

Աղբյուր` Փաստինֆո