Փաստ ինֆո

Ֆրանսիայի ազգային ֆինանսական դատախազությունը նախնական հետաքննություն է սկսել նախկին նախագահ Նիկոլյա Սարկոզիի նկատմամբ, որին կասկածում են ռուսական ընկերության շահերի լոբբինգի մեջ: Այս մասին ՌԻԱ Նովոստիի փոխանցմամբ հայտնում է «Ֆրանս Պրես» գործակալությունը։

Նրա տվյալներով՝ գործը կապված է խորհրդատվական գործունեության հետ, որով Սարկոզին իբր զբաղվել է Ռուսաստանում, երբ կրկին իրավաբան Է դարձել՝ 2012-ի ընտրություններում պարտվելուց հետո:

Ինչպես գրում է Mediapart պարբերականը, 2019 թվականին նախկին նախագահն իբր պայմանագիր է կնքել ռուսական «ՌԵՍՈ-Գարանտիա» ապահովագրական ընկերության հետ, որի բաժնետերերից մեկը ֆրանսիական Axa միավորումն է։ Axa — ն, իր հերթին, Realyze իրավաբանական ընկերության խոշոր հաճախորդ է, իսկ նրա համահիմնադիրը եղել Է Սարկոզին։ Երեք միլիոն եվրոյի պայմանագիրը նախատեսված էր մի քանի տարվա համար, իսկ մոտ մեկ տարի առաջ Սարկոզին Ռուսաստանից 500 հազար եվրո էր ստացել բանկում իր հաշվին, նշվում է հրապարակման մեջ:

«Հետաքննությունը ձգտում է պարզել, թե արդյոք պետության նախկին ղեկավարը գործել է որպես խորհրդատու, ինչը միանգամայն օրինական կլիներ, թե մասնակցել է պոտենցիալ հանցավոր լոբբիստական գործունեությանը ռուս օլիգարխների անունից», — գրում է պարբերականը:

Այս գործը քննվում է 2020 թվականի ամռանից այն բանից հետո, երբ ֆրանսիական իշխանությունները տեղեկատվություն են ստացել Tracfin-ի Ֆինանսական հետախուզության կողմից:

Աղբյուր` Փաստինֆո