Փաստ ինֆո

Մոսկվայում տեղի ունեցած հանդիպումից հետո ուշիից երեկ երեկոյան կրակոցներ հնչել են, այս տեղեկությունները «Փաստինֆո»-ի հետ զրույցում հաստատել է Արցախի նախագահի խոսնակ Վահրամ Պողոսյանը՝ վստահեցնելով, թե կրակոցները եղել են ոչ թե դիրքերի ուղղությամբ, այլ օդ են կրակել: Այս մասին «Փաստինֆո»-ի հետ զրույցում ասաց Արցախի նախագահի խոսնակ Վահրամ Պողոսյանը:

Հիշեցնենք, որ երեկ Ստեփանակերտի բնակիչները ահազանգել էին, որ Մոսկվայում կայացած եռակողմ հանդիպման ավարտից հետո Շուշիից կրակոցներ են հնչել Ստեփանակերտի ուղղությամբ:

Մեզ հետ զրույցում ԱՀ նախագահի խոսնակը նշեց, որ կրակոցները միտված են սադրանքներ հրահրելուն.

«Մենք համարում ենք, որ Ադրբեջանը փորձ է անում խուճապային տրամադրություն ստեղծել մեր հասարակության շրջանում: Կրակոցներ միշտ են եղել, պարզապես սահմանն է եղել հեռու, և խաղաղ բնակչությունը չի լսել։  Հաշվի առնելով այն հանգամանքը, որ Շուշին գտնվում է Ստեփանակերտից շատ քիչ հեռավորության վրա,  օդ կրակելիս նույնիսկ ձայները լսվում են»,-ասաց Արցախի նախագահի խոսնակը՝ հավելելով, որ այս առումով Արցախի բնակչությունը շատ պատրաստված է և չի տրվելու սադրանքների:

«Մեր կողմից քայլեր ձեռնարկվելու են, դեռևս Նոր տարվա կրակոցներից հետո, մենք համապատասխան աշխատանքներ իրականացնում ենք»,-ասաց ԱՀ նախագահի խոսնակը:

Վահրամ Պողոսյանը կարծում է, որ կրակոցները պետք չէ կապել հանդիպման հետ, քանի որ որևէ մեսիջ չի պարունակում. «Եթե մենք մտածում ենք, որ Ադրբեջանը դրանով ուզում է ցույց տալ, որ իրենք հակված չեն խաղաղ ճանապարհով շարունակելու հետագա գործընթացները, ես դրա մեջ այդքան մեծ մեսիջ չեմ տեսնում, որովհետև մինչև դա էլ է կրակոցներ եղել, չեմ բացառում, որ հետագայում են կարող են նման կրակոցներ լինել»,-ասաց Արցախի նախագահի խոսնակը:

Աղբյուր` Փաստինֆո