Փաստ ինֆո

«Փաշինյանը մեզ դավաճանեց։ Նա միանշանակ պիտի հեռանա, որովհետև մենք կորցնում ենք Հայաստանն ու լինելու ենք գնչուների նման»,-այս մասին Մոսկվայում ՀՀ դեսպանատան դիմաց ասած կանանցից մեկը ու հիշեց՝ ինչպես էր պատերազմի օրերին վարչապետի տիկինը հարդարված վարսերով դիրքերից լուսանկար հրապարակել։ 

«Մենք հավատում էինք նրան, երբ ասում էր, թե սա իմ Հայաստանն է, մենք ուղղակի նրան վստահում էինք, բայց հիմա նա պետք է պատասխան տա»,-հավելեց կինը։ Նա նշեց, որ ինքն արմատներով մի կողմից Ադրբեջանից է, մյուս կողմից՝ Արցախից։

Հավաքվածները պնդում էին, որ Նիկոլ Փաշինյանն է այսօրվա իրականության միակ պատասխանատուն, ուստի պետք է պատասխան տա։

«Նա ուղղակի ու հանգիստ չի կարող գնալ, եթե նա պարզապես փախչի, դա ոչինչ չի տա։ Մյուս դավաճանների համար պետք է դաս լինի։ Նա, ով դավաճանել է իր ազգին, պետք է վերացնել ու ոչ միայն նրան, այլև նրա ցեղը»։
Հավաքվածները հարցնում էին՝ ինչպես է ստացվել, որ հազարից ավելի անձնագիր են վաճառել ադրբեջանցիներին, իսկ թե ինչո՞ւ ու ի՞նչ պայմաններում՝ իրենք չգիտեն։

ՌԴ-ում ՀՀ դեսպանատան դիմաց հավաքվել են հայ համայնքի ներկայացուցիչներ, որոնք իրենց հետ բերել են պաստառ՝ «թուրք Նիկոլ» գրությամբ։ ՀՀ ամենամեծ սփյուռքի ներկայացուցիչներից մեկը նշեց, որ դեսպանատան տարածքում կուտակումներ չէր թույլատրվում, սակայն երբ հասարակությունը կտեղեկանա դավաճանության իրական մանրամասների մասին, այդ ժամանակ կտեսնեն բողոքի ալիքի իրական չափը։

Դեսպանատան դիմաց իրականացվեց նաեւ ստորագրահավաք.
«Դեմ ենք, որ Նիկոլ Փաշինյանը ստորագրի։ Մենք չենք լիազորել քեզ, որ ստորագրես։ Ամեն մի ժողովուրդ արժանի է իր ընտրած թագավորին, բայց ինքն այն թագավորը չի, որ արժանանա մեր ժողովրդին։ Այսօր այդ մարդը հայ ժողովրդին ծնկի է բերել։ Դեմ ենք իր ցանկացած քայլին»,- հայտարարեցին մոսկվաբնակները։

Մանրամասները՝ տեսանյութում

Աղբյուր` Փաստինֆո