Փաստ ինֆո

Հռոմի Ֆրանցիսկոս Պապը պաշտոնապես օրինականացրել է աշխարհիկ կանանց՝ պատարագների ժամանակ մի շարք գործառույթներ կատարելու իրավունքը, մասնավորապես, ընթերցողներին եւ աքոլիտներին (խորանի մոտ ծառայողներին): Այս մասին հաղորդում է Ռիա նովոստի -ն:

Քահանայապետը հունվարի 10-ին ստորագրել է Առաքելական ուղերձ՝ motu proprio (հատուկ վերագրում) Spiritus Domini (Տիրոջ Հոգին) ձեւով, որի տեքստը հունվարի 11-ին տարածել է Սուրբ Աթոռի մամուլի ծառայությունը: Այս փաստաթուղթը փոփոխում է Կանոնի իրավունքի օրենսգրքի 230-րդ կանոնի առաջին պարբերության ձեւակերպումը։ «Այն տարիքին հասած եւ եպիսկոպոսաց խորհրդաժողովի դեկրետով սահմանված այն շնորհներ ունեցող աշխարհիկները կարող են անցնել ընթերցողի կամ ակոլիտի մշտական ծառայության»: Մինչ այժմ այդ գործառույթների կատարումը թույլատրվել է բացառապես «աշխարհիկ տղամարդկանց»։

Հռոմի պապ Ֆրանցիսկոսի որոշումը նորարարություն չէ: Նախկինում Հռոմեական կաթոլիկ եկեղեցում գոյություն ուներ աշխարհիկ կանանց ներգրավելու պրակտիկա, որոնք կոչվում էին նախարարներ (նշանակովի ծառայողներ) և պատարագի ընթացքում ծառայում էին քահանային: Այն բանից հետո, երբ Հռոմի Պապ Պողոս VI- ը, իր motu proprio-ով1972 թվականին որոշեց ակոլիտների կարգավիճակը՝ շատ կաթոլիկ համայնքներում, եպիսկոպոսի թույլտվությանբ կանայք սկսեցին պատարագի ընթացքում մոմ վառել և կրել դրանք, հաց և գինի պատրաստել էվխարիստական օծման համար և կարդալ Աստվածաշունչը: Այժմ, այդ իրողությունը պաշտոնական հաստատում է ստացել կանոնական իրավունքի օրենսգրքում: Միևնույն ժամանակ, Հռոմի պապ Ֆրանցիսկոսը մատնանշել է, որ աշխարհիկ ծառայությունների կատարումը ոչ մի ընդհանուր բան չունի կանանց ձեռնադրման հնարավորության հետ:

Աղբյուր` Փաստինֆո