Փաստ ինֆո

Մարդիկ, որոնք կյանքում չէին կարող հայտնվել ԱԺ-ում, հիմա հայտնվել են ԱԺ-ում և ամուր կառչած են իրենց աթոռներից: Իհարկե, նրանց մեջ կան գիտակից պատգամավորներ, որոնք դուրս են գալիս խմբակցությունից և կարծում են, որ իրենց հայացքները ազատ կարտահայտեն և կարևոր է, որ մանդատը վայր չեն դնում, հնարավորություն չեն տալիս խմբակցությանը նոր իմքայլական դուրսպրծուկի նորից մտցնել ԱԺ, այսինքն` պահում են իրենց ձայնի իրավունքը: «Փաստինֆո»-ի հետ զրույցում ասել է հոգեբան Միհրդատ Մադաթյանը:

Նշենք, որ երեկ «Իմ քայլը» խմբակցության հերթական պատգամավորը՝ Սոֆյա Հովսեփյանը, հայտարարեց խմբակցությունը լքելու մասին՝ միաժամանակ պահպանելով մանդատը։ Վերջինս խորհրդարանում կշարունակի իր գործունեությունը որպես անկախ պատգամավոր, ինչը իմքայլական մյուս պատգամավորների կողմից բացասական արձագանք ստացավ: Տարբեր գրառումներ եղան՝ մեղադրանքներ հնչեցնելով խմբակցությունը լքած պատգամավորների հասցեին, միևնույն ժամանակ արձանագրելով, որ եթե չլիներ Նիկոլ Փաշինյանը, քանի ընտրող էր նա ունենալու:

Որոշ քպականները պարզորոշ հայտարարում են, որ իրենք ԱԺ-ում հայտնվել միայն ու միայն Նիկոլ Փաշինյանի շնորհիվ՝ ըստ էության ընդունելով, որ որեւէ այլ արժանիք չեն ունեցել պատգամավոր ընտրվելու համար։

Հոգեբան Միհրդատ Մադաթյանն արձանագրում է, ընթացիկ 3 տարին ցույց տվեց, որ ԱԺ-ն ոչ մի ճակատագիր չի որոշում, ճակատագիր որոշում է Նիկոլ Փաշինյանը։ ԱԺ-ն նրա համար է, որ Փաշինյանի համար ձայներ ապահովի.

«Երեք տարի է, ունենք ինքնահաստատվողների իշխանություն, որոնք նույնիսկ իրենց ամենաբաղձալի երազում չէին պատկերացնում, որ կունենային նման հնարավորություններ և աթոռ: Այսօրվա դրությամբ այդ ամենը նվիրվել է իրենց և իրենք էլ պետք է ամեն բան անեն, միայն թե չկորցնեն հասարակության մեջ ունեցած դերն ու դիրքը: Նիկոլ Փաշինյանին ամենևին ձեռնտու չէ, որ իր կուսակցության անդամները մտածեն։ Նրանց պետք է, որ առանց մտածելու, առանց քննարկելու անեն քայլեր, որոնք իրենց կհրահանգվի»,-ասաց Միհրդատ Մադաթյանը:

Անդրադառնալով իմքայլական պատգամավոր Սոֆյա Հովսեփյանի խմբակցությունից դուրս գալու որոշմանը՝ մեր զրուցակիցը կարծում է, որ Սոֆյա Հովսեփյանը հարգանքի է արժանի.

«Ֆեյքային ոտնձգություններ են կատարվում Սոֆյա Հովսեփյանի հասցեին, ես համոզված եմ՝ շուտով կտեսնենք, ենթադրենք՝ Ռեգինա Պրազյանի ջախջախից խոսքը Սոֆյա Հովսեփյանին ու այսպիսի բաներ, որ մենք մեր մաշկի վրա զգում ենք: Պետք է հասկանալ Սոֆյա Հովսեփյանի տոկունության աստիճանը։ Եթե ինքը իրոք համոզմունքների մարդ է և դիմակայեց, ուրեմն լիարժեք հարգանքի է արժանի։ Եթե ճանապարհի կեսից կոտրվեց, ինչպես օրինակ Լուլուն, որն այդպիսի մի քայլ արեց, հետո փոշմանեց, դա կլինի ընդամենը շոուի ապահովում»,-ասաց Միհրդատ Մադաթյանը:

Հոգեբանը արձանագրում է, որ այն քաղաքական և տնտեսական ճգնաժամը, որն այսօր առկա է Հայաստանում ոչ կոմպետենտության պատճառ է.

«Եթե մարդ դերասան է, թող գնա դերասանություն անի։ Վահրամ Փափազյանը հիշվում է, բայց ոչ ոք չի կարող հիշել նրա ժամանակ ով է եղել ԱԺ պատգամավոր, կամ նախարարների անունները, այսինքն՝ կան արժեքներ, որոնք պետք է գոյատևեն, իսկ եթե մարդ չի կայացել իր մասնագիտության մեջ, ինչպե՞ս կարող է երկիր ղեկավարել։ նույն իրավիճակն ունենք նաև էկոնոմիկայի նախարարի դեպքում, այդ մարդը ձախողել է իր բիզնեսը, բայց հիմա բերել, դրել ենք էկոնոմիկայի նախարար, ի՞նչ ենք ուզում, որ Հայաստանի էկոնոմիկան էլ ձախողի,։ Սա է արվում, իսկ եթե բողոքում ենք, դառնում ենք հներից ու լափամանից օգտվող, ինչի՞ համար, չէ՞ որ ակնհայտ բաներ ենք ասում և փաստերով հիմար բաներ են ասում, մենք էլ փորձում են բողոքի ձայն բարձրացնել, արդյո՞ք դեմոկրատիան սա չէ, արդյո՞ք մենք պետք է համակերպվենք, որ այսօրվա դրությամբ միջնակարգ կրթություն ունեցող մարդիկ ղեկավարեն այս երկիրը, միթե այսօր երկրում բարձրագույն կրթությամբ գրագետ մարդիկ չկային»,-ասաց Միհրդատ Մադաթյանը:

Վերջինիս կարծում է, որ իմքայլական պատգամավորները, որոնք այսօր պախարակում են և շարունակում են խամաճիկություն անել, պետք է իրենց ինքնագնահատականի մասին մտածեն, որովհետև այսօրվա դրությամբ նույնիսկ իրենց զբաղեցրած աթոռը իրենց ինքնագնահատականը չի բարձրացնում:

Աղբյուր` Փաստինֆո