Փաստ ինֆո

Երկրի աղետալի վիճակը պատկերացրեք: Երկրի նախագահի պաշտոնը զբաղեցնողը գնում էր դրսերը՝ իր ասելով ներդրումներ՝ ներդրողներ էր կանչում երկիր: Ասում էր եկեք, ապահով է, վստահելի է: Այս մասին Պետական կառավարման մասնագետ Հովհաննես Ավետիսյանը ֆեյսբուքյան իր էջում:

«Սակայն, երբ բժշկական ծառայություն է իրեն պետք, գնում է Մեծ Բրիտանիա: Արդյունքում իբր թե ինքնամեկուսանում է կորոնոավիրուսի պատճառով ՄԲ-ում:

Երկրի աղետալի վիճակը պատկերացրեք:

Երկրի վարչապետի պաշտոնը զբաղեցնողը սուվերենություն էր գոռում: Սակայն, երբ պետք էր դա պաշտպաներ, նվիրեց այն օտարին:

Երկրի աղետալի վիճակը պատկերացրեք:

Երկրի վարչապետի պաշտոն զբաղեցնողը հարյուրավոր գերիներին չի կարողանում տուն բերել՝ ի հեճուկս իր ստորագրած թղթի:

Երկրի աղետալի վիճակը պատկերացրեք: Խորհրդարանական երկրում Ազգային Ժողով կոչեցյալը ունի զրո կառավարում իր ընտրած վարչապետի և դրա ձևավորած կառավարության նկատմամբ: Սրանք էլ ինչ ուզում անում են, ավելի շուտ չեն անում:

Երկրի աղետալի վիճակը պատկերացրեք:

Երկրի իշխանության ներկայացուցիչ կոչեցյալները առաջին քրիստոնյա պետության եկեղեցու դեմ են դուրս եկել: Ինչ-որ ստահակների են դրա դեմ հանում:

Երկրի աղետալի վիճակը պատկերացրեք:

Այն կարգի են բոլորի և ամեն ինչի նկատմամբ վստահությունը և հավատը խարխլել, որ հնարավոր էլ չի լինում մարդկանց՝ քաղաքական գործիչներին, գաղափարների շուրջ միավորել, քաղաքացիներին օրակարգ առաջարկել և լծվել աշխատանքի:

Երկրի աղետալի վիճակը պատկերացրեք:

Այն աստիճան ենք անպիտան դարձել, որ երկրի կարող անհատներիս մնացել է խոսելը, զրկվել ենք գործելու դաշտից, միջոցից և կարողությունից:

Ինչ է սա, եթե ոչ պետության դադար և անկում:

Այս վիճակի մեղավորներ, իհարկե ինքնամեկուսացեք, շուտով երկրային և երկնային դժոխքում եք մեկուսանալու:

Աստված վկա, ճշմարիտ խոսք եմ ասում»:

Աղբյուր` Փաստինֆո