Փաստ ինֆո

«ՀՀ բոլոր ժամանակների ամենամեծ թալանչին Փաշինյանն է: Նա Սոթքի 8 միլիարդ դոլարը ժողովրդից թալանեց և նվիրեց իր բարեկամ Ադրբեջանի ժողովրդին»-,- ասում է «Սուրբ Աթոռ»-ում Հայաստանի նախկին դեսպան Միքայել Մինասյանը «Requiem 6. Փողեր» հերթական ուղիղ միացման ընթացքում, որտեղ վերջինս խոսում է Սոթքի ոսկու հանքի մոտ 8 միլիարդ դոլար կազմող թալանի, ինչպես նաև Հայաստան Համահայկական Հիմնադրամից անհետացած միլիոնավոր դոլարների մասին:

«Գիտե՞ք ով է Հայաստանի Հանրապետության բոլոր ժամանակների ամենամեծ թալանչին: Կոնկրետ պատասխանում եմ՝ Նիկոլ Վովայի Փաշինյանը, մեկ օրինակով՝ Սոթքի հանք: Սոթքի հանքը՝ վերջին երկու տարվա գնահատմամբ, ունի, արդեն ուներ՝ 144 տոննա ոսկի։ Որպեսզի դուք հասկանաք, թե ինչ արժե այդքան ոսկին, ապա նայեք, թե ինչ արժե ոսկու մեկ գրամը. դուք կստանաք աստղաբաշխական թիվ՝ 8 միլիարդ դոլար: 8 միլիարդ դոլար Նիկոլ Փաշինյանը պարտությունից թալանեց, հայ ժողովրդից վերցրեց ու տվեց իր բարեկամ Ադրբեջանի ժողովրդին: Ես Սոթքի մասին մեկ բան եմ ուզում ասել, որպեսզի դուք պատկերացնեք, թե երբ անգրագիտությունն ու ստորությունը հանդիպում են, ինչ է դառնում:

Նիկոլ Փաշինյանի կառավարությունը կա՛մ չգիտի, կա՛մ միտումնավոր չի ուզում իմանալ, որ Սովետական Հայաստանի ժամանակ կար նամակ ուղղված կենտրոնական իշխանություններին, և այնտեղից կա նամակագրություն, որի հիմքում երևում է, որ Սոթքի հանքը, որն ընկնում էր Ադրբեջանի տարածքի մեջ, վարձակալության հիմունքներով պատկանում է Սովետական Հայաստանին, որովհետև Սովետական Հայաստանի Սոթքի պաշարները վերջացել են և դա Սոթքի հանքի բնական ընդլայնումն էր: Այդ փաստաթղթերը պահվում են ՀՀ պետական արխիվում: Բավական էր դա վերցնել, և այդ փաստաթղթով սարքել բանակցային փաթեթ, չէ՞ որ բանակցային փաթեթի կենտրոնում Սովետական Հայաստանի ու Սովետական Ադրբեջանի փոխհարաբերություններն էր, սահմանները և այլն: Բա այդ փաստաթուղթն էլ է Սովետական Հայաստանի ու Սովետական Ադրբեջանի փաթեթի մաս, չգիտե՞իք, թե չէի՞ք ուզում իմանալ»,- ներկայացրեց Մինասյանը:

Անդրադառնալով Հայաստան Համահայկական հիմնադրամի թեմային, ինչպես նաև հիմնադրամից ՀՀ պետբյուջե փոխանցված գումարին` նախկին դեսպանը շոկային բացահայտումներ է անում: Պարզվում է համահայկական հիմնադրամի գործունեությունը կարող է կասեցվել միջազգային աուդիտը չանցնելու պարագայում, իսկ բազմաթիվ սփյուռքահայեր կարող են խնդիրներ ունենալ իրենց երկրների հարկային մարմինների հետ, եթե պարզվի, որ փոխանցված գումարների նպատակը բարեգործությունը չի եղել։

«Նիկոլ Փաշինյանը, իր դրածո, նախկին խորհրդական Հայկակ Արշամյանին հանձնարարում է 52 մլրդ 700 մլն դրամ բյուջե փոխանցել, որպեսզի կարողանա հանգիստ մսխի: Հայկակը դա անում է իննը որոշումով, և դրանցից ոչ մեկը չի ուղարկվել Խորհրդի անդամներ Ռոբերտ Քոչարյանին և Արկադի Ղուկասյանին, որովհետև նրանք կհարցնեին՝ բա այդ փողն ո՞ւր է գնում: Իննը որոշումից յոթը կորում են, անհետանում են: ՀՀ նախագահի նստավայրից, որտեղ Հայկակի գրասենյակն է ու հիմնադրամի աշխատակազմը, այդտեղից անհետանում են իննը որոշումից յոթի բնօրինակը: Թե՝ ուր, չգիտեմ, մենք դա կիմանանք, երբ նորմալ երկրում հարուցվի քրեական գործ: Ոստիկանությունը գաղտնի գալիս է Բաղրամյան 26, որպեսզի հասկանան, թե ուր են փողերը: Արմեն Սարգսյանը գաղտնի նամակ է գրում Հայկակին, ասելով՝ խնդիրներ կան, Հայկակն էլ, հասկանալով, որ 52 մլրդի մսխումն իրեն ոչ ոք չի ներելու, նամակ է գրում Ֆինանսների նախարարին, թե ասա, այդ փողը որտեղ ես ծախսել: Նախարարը պատասխանում է, որ գումարը ծախսվել է ըստ բյուջեի նախատեսված կետերի»:

Մանրամասները՝ տեսանյութում

Աղբյուր` Փաստինֆո