Փաստ ինֆո

Հայրս կարևոր դիտարկում ուներ, ասում էր՝ ռազմաճակատային և քաղաքացիական խիզախությունը տարբեր բաներ են։ Մարդ կարող է աներևակայելի խիզախ լինի թշնամու դեմ մարտնչելիս և շատ խեղճ սովորական մի փողոցայինի առջև։ Մտածում եմ՝ մեր ժողովուրդն էլ է այդ օրն ընկել՝ խեղճացել է փողոցայինի առջև։ Ու քանի որ անցած պատերազմում այդ փողոցայինը փաստացի թշնամու կողմից էր գործում, ժողովուրդն էլ այս օրն ընկավ՝ պարտվեց ոչ թե թշնամուն, այլ փողոցի խուժանին։ Այս մասին ֆեյսբուքյան իր էջում գրում է քաղաքագետ Հրանտ Մելիք-Շահնազարյանը:

«Ի՞նչ կարող է անել նման իրավիճակում պայմանական Քյոխը։ Անկեղծ ասած՝ չգիտեմ։ Քյոխին ծանոթ չէ այս թշնամին։ Նա չգիտի՝ ինչպես վարվել նման իրավիճակներում։ Մոլորված է։ Բայց պատմությունն իր օրինաչափություններն ունի։ Եվ դրանցից մեկն այն է, որ երբ մոլորվում է պայմանական Քյոխը, պայմանական Թեհլիրյանն է սկսում գործել։

Եվ եթե բանը հասավ դրան, ապա մենք բոլորս ստիպված ենք լինելու շատ ավելի բարդ պայմաններում Դադիվանքի դատավարություն իրականացնել։ Ինչևէ, վստահ եմ՝ այս իրավիճակը շատ շուտ կհանգուցալուծվի։ Եվ անկախ նրանից, թե ով ավելի շուտ կհասնի դավաճանին՝ Թեհլիրյանը թե Դադիվանքի դատը, վստահ եմ, որ ապագայում մենք ունենալու ենք շատ հզոր և իրապես հայկական պետություն»,- գրել է քաղաքագետը։

Աղբյուր` Փաստինֆո