Փաստ ինֆո

«Իմ քայլի պատգամավորներին մի քանի անգամ շանս էր տրված՝ գիտակցելու հայրենիքի առջև ծառացած այն ահռելի մարտահրավերը, որն իր հետ բերեց Նիկոլ Փաշինյանը և իր թիմը, ու այդ հնարավորություններից իրենք չօգտվեցին»,- այս մասին ԱԺ-ի մուտքի մոտ՝ վարչապետի հրաժարականը պահանջող ակցիայի ժամանակ լրագրողների հետ զրույցում ասաց «Հայրենիք» կուսակցության խորհրդի անդամ Խաչիկ Գալստյանը։

Վերջինս հավելեց, որ չի կարծում, թե այսօր քաղաքացիական բարձր գիտակցություն կդրսևորեն, այլ հակառակը՝ սրանով մեկ անգամ էլ կապացուցեն, որ իրենք խմբակային հանցագործության մասնակիցներ են։

«Իշխանափոխությունից հետո այն դատավարությունը, որ սկսվելու է այս դավաճան իշխանության հրոսակախմբի հանդեպ, վստահ եմ ՝ հոդվածները լինելու են ավելի խիստ, ոչ թե անհատական պատասխանատրություն ենթադրող, այլ խմբակային»։

Գալստյանը նաև անդրադարձավ վարչապետի՝ արտահերթ ընտրություններ անելու հայտարարությանը, նշեց, որ դա կլինի մեր պատմության ամենաամոթալի, խայտառակ էջը։

«Պարտության մատնված վարչապետը, որի յուրաքանչյուր խոսքն իրականությանը չի համապատասխանել, նրանից ակնկալել արդար ու անաչառ ընտրություններ, անհնար է ։ Ոչնչությունից ոչինչ սպասել չի կարելի։ Նիկոլ Փաշինյանն ապացուցել է, որ ինքը զրո է որպես հայ մարդ, որպես բանականություն ունեցող մարդ և հիմա զրոյից ակնկալել արդյունք՝ պարզ մաթեմատիկա է՝ զրոյի արտադրյալը զրո է, նրանից սպասելիքներ չունենք»,- եզրափակեց Գալստյանը։

Աղբյուր` Փաստինֆո