Փաստ ինֆո

Ի վերջո՝ ԱԺ իմ քայլական պատգամավոր Լուսինե Բադալյանը պատրաստվո՞ւմ է մանդատը վայր դնել, թե ոչ։

Պատգամավորը մեկ ամիս առաջ հայտարարել էր, որ հրաժարվելու է պատգամավորական մանդատից, բայց այդ քայլին չդիմեց։ Վերջնական պատասխանը պատգամավորը ստիպված եղավ տալ լրագրողներին՝ ԱԺ-ի միջանցքում։ 

«Մանդատը չեմ դրել, ուրի՞շ հարցեր կան»,-կտրուկ արձագանքեց պատգամավորը։

Նա անպատասխան թողեց հարցը՝ արդյո՞ք ճնշումների տակ է հրաժարվել մանդատը վայր դնելու հայտարարությունից, թե՞ հուզական գրառում է արել, պատգամավորն ասաց, թե՝ ընդունենք այդ հայտարարությունն արել է հուզականության ֆոնի տակ և հիմա չի պատրաստվում մանդատը վայր դնել։

Իսկ այն հարցին , թե ի՞նչ է անում պատգամավորն ու խմբակցությունը, Բադալյանը վստահեցրեց.

«Ես ունեմ կիսատ թողած օրինագծեր, որոնք պետք է իրագործեմ, իսկ թե ինչո՞վ է զբաղված իշխանությունը, կարծում եմ, ժամանակ առ ժամանակ տեղեկացնում է։ Իմ գործընկերները զբաղվում են գերիների վերադարձի և անհետ կորածների  հարցերով։»

Իսկ արդյոք պատգամավորը կողմ է վարչապետի քաղաքականությանը՝ Բադալյանը պատասխանեց.

«Մենք ունենում ենք բազմաթիվ քննարկումներ,  բանավեճեր ու բոլորս գալիս ենք որևիցե լուծման»։

Փաշինյանի դավաճան լինելու կամ չլինելու հարցին պատգամավորը պատասխանեց.  

«Ես չեմ պատասխանի այդ հարցին։ Համապատասխան մարմինները կքննեն փաստերը, եթե կլինի դավաճանություն, ապա օրենքի ողջ խստությամբ կպատժվի»։

Բադալյանը վստահ է, որ իրավապահ համակարգի աշխատակիցները կաշկանդված չեն ու կարող են արդար քննություն իրականացնել։

Աղբյուր` Փաստինֆո