Փաստ ինֆո

Առաջնագծից վերադարձած, զորացրված քաղաքացիները պատմում էին, թե ինչպես է ջոկատը կամ միավորումը փորձել սպառված զինամթերքը համալրել, սական կոնկրետ անձը հրաժարվել է զենք տալ, ու ստիպված են եղել կոտրել զինամթերքը պահեստի դռները՝ տեսնելով, որ այս պահեստն ամբողջությամբ լիքն է՝ բոլոր անհրաժեշտ զենքով և զինամթերքով։ Այս մասին Հանրային ՀԸ եթերում ասել է Նիկոլ Փաշինյանը` նշելով, թե զրացրված քաղաքացիները տվել են կոնկրետ անձի անուն։

Ըստ Ն. Փաշինյանի՝ եթե դա հաստատվի, ապա դա պարտության պատճառների դրվագներից մեկն է և պետք է հասկանալ, թե ինչու է այդպես տեղի ունեցել։ Նրա խոսքերով՝ դա նշանակում է, որ պահեստը լեցուն է եղել զինամթերքով և կոնկրետ անձը կողպել է պահեստի դռները և հրաժարվել զենք տրամադրել ու հայտարարել, թե պարտավորված է համարում, որ պատերազմի մասին ամբողջ ճշմարտությունը հայտնի դառնա։ 《Ընդ որում՝ ես հիմա չեմ կարող դատավճիռ կայացնել, հնարավոր է ինչ որ բան այնպես չի ստացվում, իրականությունը մի փոքր այլ է եղել։ Ի վերջո՝ կան բազմաթիվ վկայություններ այն մասին, թե ինչպես մարդիկ, այդ թվում բարձաստիճան, դեռևս հայկական վերահսկողության ներքո գտնվող բնակավայրերից ընդհուպ հանել են փողոցի լուսավորությունը և ասել, որ պետք է հավաքել և մեզ հետ տանել։ Հնչում են կոնկրետ անուններ, գուցե զրպարտում են, բայց պետք է պարզաբանվի》,֊նշեց նա՝ հավելելով, որ անուններ են հնչում նաև, որոնք կապված են ընդդիմության հետ։

Աղբյուր` Փաստինֆո