Փաստ ինֆո

«Կարծում եմ, ամբողջ քաղաքով պետք է նման ակցիաներ լինեն։ Վարչապետը պետք է հրաժարական տա, եթե ոչ, պետք է ինքնասպան լինի այս ամենից հետո»,- այս մասին Մյասնիկյան պողոտայում անհնազանդության ակցիայի ժամանակ ասաց բողոքի ակցիայի մասնակիցը։ Վերջինս նշեց, որ շատ ընկերներ է կորցրել պատերազմի ժամանակ, դրա հետ մեկտեղ նրան զայրացրել է սահմանազատումները, որոնք կատարվում են նաև ՀՀ տարածքում։

«Մենք ՊՆ-ում ունենք խումբ, որոնք որոշում են՝ ինչպե՞ս պետք է լինեն մեր սահմանները, այնպես ինչպես արվում էր խորհրդային տարիներին։ Չեմ հասկանում, ինչո՞ւ մեր սահմանազատումները պետք է արվեն GPS-ներով, միգուցե Yandex taxi-ի քարտեզներո՞վ։Մենք աստված մասնագետներ ունենք, բերեք էդ մարդկանց, թող աշխատեն։ Ինչի՞ պետք է այսօր մարդիկ գնան առաջնագիծ, խրամատներ փորեն և հետո թուրքը մոտենա, ասի՝ տղերք ձեր ամրությունները մի քիչ հետ պետք է կառուցեք, մերոնք զանգեն ճշտեն, որ այո, պետք է հետ կառուցվեն»,-ասաց քաղաքացին, հավելեց, որ բոլորը գիտեն Կապիտուլյացիոն փաստաթղթից հետո գծվող քարտեզի մասին, բացի ՀՀ քաղաքացիներից։ Նշեց նաև, որ եթե վարչապետը սոսնձված մնա իր աթոռից, օր օրի պակասելու է ՀՀ ահռելի սահանից մի կտոր։

Ակցիայի մասնակիցը նաև նշեց, որ պահեստազորի սպա է, նաև Արցախյան առաջին ազատամարտի մասնակից է իր կամքով ծառայությունից դուրս է եկել, որ մասնակցի հանրահավաքների, անհնազանդության ակցիաների, որովհետև իրեն իրական հայ է զգում։ Իսկ հարցին, եթե Նիկոլ Փաշինյանը հրաժարական չտա, նշեց, որ նման բան չի կարող լինել և խստագույնս պետք է պատասխան տա։

«Ես պատժի կողմակիցն եմ, ես ամեն ինչ կանեմ, որ նրա կյանքին վտանգ չսպառնա, որ կանգնի օրենքի առաջ։ Նա պետք է պատժվի, այդ հինգ հազար զոհերին մայրեր են ծնել, մեծացրել, խնամել են, անքուն գիշրներ լուսացրել ու զինվոր մեծացրել։ Հասկանում ենք, որ պատերազմ է, բայց ամեն ինչ պետք է կարգավորված լիներ»,- ասաց բողոքի ակցիայի մասնակիցը։

Աղբյուր` Փաստինֆո